Son dövrlərdə bütün sahələrdə istifadə olunan süni intellekt çatbotu olan ChatGPT müəllif hüquqlarını pozduğuna görə məhkəməyə verilir. Belə ki, məşhur komediyaçı və yazıçı Sarah Silverman da daxil olmaqla bir qrup yazıçı onların razılığı olmadan ChatGPT alətinin əsərlərindən istifadə etdiyini iddia edib. Hətta yazıçılara görə OpenAI şirkəti məhz bu əsərlər vasitəsi ilə ChatGPT süni intellekt alətini təkmilləşdirir. Yazıçılar isə bu prosesin müəllif hüquqlarına zidd olduğunu bildirərək OpenAI şirkətini məhkəməyə verib.
Ümumiyyətlə hazırda bir çox süni intellekt aləti mövcuddur. Hətta onlardan bəziləri sadəcə istifadəçilərin yazdıqları sözlərə uyğun olaraq tamamilə yeni şəkillər, əsərlər yaradır. Rəssamlar isə bu əsərlər ilə bağlı müəllif hüquqlarının pozulduğunu iddia edirlər. Təbii ki, süni intellekt alətləri inkişaf etdikcə bu mübahisələr də artmağa davam edir. Lakin bu dəfə Sarah Silverman və digər 2 yazıçı onların əsərlərindən icazəsiz olaraq istifadə etdiyinə görə Meta və OpenAL şirkətini məhkəməyə verib. Qeyd edək ki, məhkəməyə müraciət edən digər iki yazıçı Richard Kadrey və Christopher Golden-dir.
Ümumi olaraq hər 3 yazıçı ChatGPT süni intellekt alətinin müəllif hüquqlarını pozduğuna görə Meta və OpenAI şirkətlərini məhkəməyə verib. Həmçinin onlar LLaMA süni intellekt modellərində də icazəsiz olaraq öz əsərlərindən istifadə olunduğunu bildirirlər. Artıq OpenAI şirkətinin ChatGPT süni intellekt alətini gün keçdikcə təkmilləşdirdiyi məlumdur. Lakin bu təkmilləşdirmənin hansı yolla aparıldığı tam olaraq məlum deyil. Yazıçılar isə bu təlimlərin və təkmilləşdirmələrin onların əsərləri vasitəsi ilə aparıldığından əmindir. Hətta onlar müəllif hüquqlarının pozulması, səhlənkarlıq, əsassız varlanma və haqsız rəqabət üzrə 6 ittiham maddəsi ilə şirkətlərin cəzalandırılmasını da tələb ediblər. Bundan əlavə onlar maddi və mənəvi təzminat da tələb ediblər. Meta və OpenAI şirkətləri isə bütün süni intellekt modellərini inkişaf etdirmək üçün ictimaiyyətə açıq məlumatlardan istifadə etdiklərini bildirirlər.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
