Dünyanın bir çox ərazisində istifadəyə verilən Starlink sisteminin kosmik tullantıları böyük problemlərə yol açır. Belə ki, kosmosda dünyanın istənilən yerinə internet ötürə bilən Starlink peykləri böyük kosmik tullantılara səbəb olur. SpaceX şirkətinin əsas missiyası dünyanın istənilən ərazisinə internet ötürmək olsa da, bunun üçün minlərlə peyk lazımdır. Artıq şirkət 4 mindən çox peyki orbitə göndərib. Bu isə çox böyük rəqəmdir. Çünki hər bir peyk özü ilə birlikdə tullantıya da səbəb olur.
Qeyd edək ki, son hesablamalara görə 4200-ə yaxın Starlink peyki yerin orbitində dövrə vurur. İndiyə qədər 4595-dan çox peyk orbitə göndərilsə də onlarda bəziləri itib və ya müvəqqəti olaraq gözləyir. Maraqlısı budur ki, SpaceX şirkəti öz əhatə dairəsini genişlətdikcə orbitdəki peyklərin, daha doğrusu kosmik tullantıların sayı artır. Hətta Starlink peyklərinin kosmik tullantıları o qədər çoxdur ki, onlar daimi olaraq manevr etməli olur. Məlumata görə 2022-ci ilin dekabrın 1-dən bu ilin may ayının 31-dək olan 6 aylıq zaman ərzində Starlink peykləri toqquşmadan yayınmaq üçün təxminən 25 min manevr etməli olub. Bu isə o deməkdir ki, peyklər hər gün orta hesabla 137 manevr edir.
Təəssüf ki, bu manevrların sayı hər keçən gün daha artacaq. Çünki kosmik tullantıların sayı durmadan artır. Gələcəkdə orbitdəki peyklərin kosmik tullantılar ilə toqquşacağı da artıq qaçınılmazdır. Hətta bu hadisələrə gələcəkdə daha çox şahid ola bilərik. Onu da qeyde dək ki, şirkətin sonuncu açıqlamasına görə dünya üzrə 1.5 milyondan çox Starlink istifadəçisi var. Qiymətin yüksək olmasına baxmayaraq, lazımı infrastruktura sahib olmayan insanlar Starlink xidmətinə maraq salır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
