Dünyada süni intellekt əsaslı çiplərə olan tələbat durmadan artır. Belə ki, bu gün süni intellekt əsaslı çatbotların geniş yayılması və istifadə olunması öz növbəsində süni intellekt çiplərinin də tələbatının artmasına səbəb olur. Maraqlısı budur ki, indi Böyük Britaniya Nvidia, AMD və Intel kimi nəhənglərdən 127 milyon dollarlıq süni intellekt çipləri alacaq. Görünən odur ki, Böyük Britaniya hökuməti süni intellektə əsaslanan modellərini daha dərindən öyrənmək və sınaqdan keçirmək istəyir.
The Telegraph mənbəsi xəbər verir ki, Böyük Britaniya ABŞ və Avropa Birliyi ilə arasındakı fərqi araqdan qaldırmaq üçün 100 milyon funt-sterlinq yəni 127 milyon dollar dəyərində süni intellekt çipləri alacaq. Hətta hökumət bu məbləğim tamamını vergi ödəyicilərindən toplayıb. Bundan əlavə hökumət 3 texnologiya nəhəngindən yəni AMD, Nvidia və Intel-dən süni intellekt çipləri alacaq. Bu məqsədlə hazırda danışıqlar gedir.
Ümumiyyətlə süni intellekt çiplərinin maliyyələşdirilməsinin artırılması Böyük Britaniyanın Baş nazirinin elm və texnologiyaya aid planlarının bir hissəsidir. Hazırda süni intellekt Böyük Britaniya hökumətinin diqqət mərkəzindədir. Onu da qeyd edək ki, Baş nazir daha əvvəl də Generative AI işçi qrupu üçün 100 milyon funt sterliq vəsait ayırmaq üçün sənəd imzalayıb. Hətta hökumət 10 il ərzində strategiyasına uyğun olaraq 1 milyard funt sterlinq vəsait ayıracaq. Həmçinin Britaniya noyabr ayında keçiriləcək süni intellekt təhlükəsizliyi sammitində aparıcı süni intellekt şirkətləri ilə beynəlxalq müqavilələr bağlamağı düşünür.
