Beləliklə Avropa İttifaqı avtomobillər üçün kibertəhlükəsizlik qaydalarını 7 iyul 2024-cü ildən etibarən qüvvəyə mindirir. 7 iyul 2024-cü il tarixindən etibarən Avropa İttifaqında satılan bütün yeni avtomobillərdən tətbiq edilən kibertəhlükəsizlik qaydalarına riayət etmək tələb olunacaq. Bu məsələ əslində uzun müddətdir gündəmdədir və sonuncu dəfə benzinlə işləyən Porsche Macan ilə gündəmə gəlmişdi. Qeyd edək ki, bu avtomobil və digərləri yaxın gələcəkdə rəsmi olaraq Avropa Birliyi ölkələrində satılmayacaq. Məhz bu qərarın arxasında Avropada qüvvəyə minəcək yeni bir kibertəhlükəsizlik tənzimləməsi dayanır.
Avropa İttifaqı avtomobillər üçün kibertəhlükəsizlik qaydalarını 7 iyul tarixində qüvvəyə mindirməyi planlasa da, Porsche bu xərci ödəmək istəmədiyi üçün Avropa ölkələrini çox ciddi satış rəqəmləri əldə etdiyi avtomobildən məhrum etməyə hazırlaşır. Məlumata görə, 2014-cü ildən bəri satılan Macan, qüvvəyə minəcək kibertəhlükəsizlik qaydalarının elan edilmiş tələblərindən əvvəl hazırlanıb və buna görə də köhnə əsasda qurulub. Qeyd edək ki, Avropada UNECE WP.29 (R155 və R156) adlanan sözügedən tənzimləmə Avropadakı bütün yeni avtomobillərin kibertəhlükəsizlik sertifikatına malik olmasını və hakerlərdən qorunmaq üçün xüsusi elektron cihazlarla təchiz olunmasını tələb edir.
Həmçinin, yeni qaydalara əsasən avtomobillərin inkişaf və istehsal mərhələsini də əhatə edən kiberhücumlar da daxil olmaqla, 70 təhlükəsizlik zəifliyinə qarşı qorunduğu sübut edilməlidir. Porsche bu qaydalara sadəcə proqram təminatı yeniləməsi verməklə əməl edə bilməz və bu Macan-ın Avropa macərasını korlayır. Porsche-nin verdiyi açıqlamaya görə, Macan-ın Avropa Birliyi xaricindəki bazarlar üçün istehsalı və satışına heç bir mənfi təsir yoxdur.
