SoftBank-ın törəmə şirkəti olan Arm, süni intellekt çipləri istehsal etməyi və gələn il ilk məhsullarını təqdim etməyi planlaşdırır. Beləliklə, Arm öz süni intellekt çipini istehsal edən digər nəhənglərə qoşulaşacaq. Böyük Britaniya mərkəzli texnologiya nəhəngi süni intellekt tərəfində mövcud olan supergüclərdən biri olmağı planlayır.
Qeyd edək ki, SoftBank-ın baş direktoru Masayoshi Son-un şirkəti artıq süni intellekt planı ilə bağlı hərəkətə keçib. Şirkət 2025-ci ilin yazında ilk konsepti hazırlamağa və payızda bu çipi göndərməyə çalışacaq. SoftBank Arm şirkətinin süni intellekt çipləri üçün nə az, nə çox 10 trilyon yen, yəni 64 milyard dollar sərmayə ayıracaq. Gələn ilin əvvəlində prototip istehsalına, daha sonra isə kütləvi istehsala başlayacaq. Hələlik, ARM-ın hansı istehsalçı ilə əməkdaşlıq edəcəyi məlum olmasa da, analitiklər şirkətin TSMC ilə əməkdaşlıq edəcəyini düşünür.
Beləliklə, SoftBank 2026-cı ilə qədər ABŞ, Avropa, Asiya və Yaxın Şərqdə öz prosessorlarından istifadə edərək məlumat mərkəzləri quracaq. Məlumat mərkəzləri enerjiyə ac olduğundan, şirkətin enerji problemini də həll edəcəyi gözlənilir. İddiaya görə, şirkət külək və günəş enerjisi ilə yanaşı, yeni nəsil enerji texnologiyalarından da istifadə edəcək. Məlumatlara görə, milyardlarla dollara başa gəlməsi gözlənilən süni intellekt çip şöbəsinin ilkin inkişaf xərclərini SoftBank ödəyəcək. Həmçinin bildirilir ki, burada hazırlanmış prosessor kütləvi istehsala keçdikdə, SoftBank bu çip qurğusunu Arm-dan ayıra bilər.
