Proqram təminatı nəhəngi Microsoft, ABŞ-da patent məhkəməsi çərçivəsində “Cortana”-ya görə 242 milyon dollar cərimələnib. Delaware ştatında federal münsiflər heyəti, bu yaxınlarda Microsoft şirkətinə qarşı çıxaraq şirkətin Cortana virtual köməkçisinin IPA Technologies-ə məxsus patenti pozduğuna qərar verib. Bu qərarın nəticəsi olaraq isə Microsoft şirkəti 242 milyon dollarlıq böyük bir cəza ilə qarşı-qarşıya qalıb.
Ümumiyyətlə, Microsoft, heç vaxt çox əhəmiyyət vermədiyi “Cortana” köməkçisi üçün keçən ilin sonunda Windows 11 tətbiqini bağlamışdı. Rəsmi olaraq “Vaxtınıza qənaət etməyə və diqqətinizi ən vacib şeylərə yönəltməyə kömək edən şəxsi köməkçi” olaraq təyin olunan Microsoft Cortana bununla da aramızda ayrılmışdı deyə bilərik. Məhz Cortana üçün bütün dəstəyini kəsən və hətta tətbiqini belə bağlayan Microsoft şirkəti son dövrlərdə Copilot sisteminə yönəlməyə başlayıb. Məsələn, bu yaxınlarda Microsoft 365 üçün Copilot-un yenilənməsi təqdim olunmuşdu.
Son dövrlərdə süni intellekt tərəfində nəyinki Microsoft, demək olar ki, bütün texnologiya nəhəngləri diqqət ayırır. Belə ki, Apple şirkəti belə iPhone modellərində çalışan Siri üçün süni intellekt dəstəyi ilə bağlı OpenAI şirkəti ilə danışıqlar aparır. Xatırladaq ki, ötən gecə, OpenAI çox böyül bir təqdimat tədbiri təşkil edərək yeni süni intellektini təqdim edib. Məhz bu süni intellekt artıq real zamanda emosional olaraq bizlərə cavab verə, söhbət edə və tapşırıqları yerinə yetirə biləcək.
