Məlum olduğu kimi hamımız ciddi bir pandemiya dövründən keçmişik və hələ də bu şərait tam olaraq bitmiş deyil. Pandemiya dövrü bir çoxumuza istər maddi istərsə də mənəvi ziyanlar vurub. Təbii ki, uyğun olaraq bu dövrün ziyanları texnologiya şirkətlərindən də yan keçməyib. İnsanlarda alıcılıq qabiliyyəti azaldığı üçün bu da bir çox şirkətə əlavə ziyan vurmaqla nəticələnib. Apple, Netflix, YouTube və.s kimi şirkətlər bu problemlə üzləşənlər arasındadırlar. Belə ki, bu yaxınlarda iPhone 14 seriyasını təqdim etmiş texnologiya nəhəngi Apple, tərtibatçılara e-poçt göndərərək reklam stratagiyasında yeniliklərlə bağlı tədbir keçiriləcəyini bildirir.
Apple reklam strategiyası ilə bağlı nə kimi tədbirlər alacaq?
Şirkətlər daha çox reklam qəbul edib və istifadəçilərə bu reklamları daha çox göstərməklə dəymiş ziyanı minumuma endirməyə çalışırlar. Bu reklamları görmək istəməyən istifadəçilər isə ödəniş edib premium hesab almağa məcbur qalırlar. Niyə məhz məcbur çünki, o qədər reklam göstərilir ki, insanlar bir müddətdən sonra bu reklamlardan bezib premium hesab alırlar. Bundan əvvəlki “Google sizi YouTube Premium almağa məcbur edəcək!“ yazımızda Google şirkətinin bu siyasəti haqqında geniş məlumat vermişik, keçid edərək oxuya bilərsiniz.
YouTub ilə bağlı xəbərlərdən əvvəl, Apple şirkətinin də xüsusilə iPhone modellərində daha çox reklam göstərəcəyi 1 ay öncə bəzi sızıntılarda deyilmişdi. Artıq Apple bu xəbərləri rəsmi olaraq təsdiqləyir. Şirkət yaxın vaxtlarda ilk olaraq AppStore tətbiqində daha çox reklam göstəriləcəyini təsdiqləyib. Təxminən 1 həftə ərzində artırılmış reklamların AppStore üzərindən yayımlanacağı iddia edilir. Bu xəbərdən iPhone istifadəçiləri narahatlıq yaşayacaqmış kimi görünür. Premium seqment texnoloji cihazlar istehsal edən şirkət üçün belə bir addımın atılması isə əsl müzakirə mövzusudur.
iPhone istifadəçilərinə bu reklamlar harda göstəriləcək?
App Store tətbiqində reklamlar üçün iki əsas yer var. Onlardan biri axtarış nəticələri səhifəsi, digəri isə axtarış bölməsidir. Bununla belə, Apple yeni reklam strategiyasıan görə artırılmış reklamları harada yerləşdirəcəyini hələ ki, açıqlamayıb. Əvvəlki sızıntılara görə, iki fərqli yerdə reklam olacaq. Onlardan biri App Store ana səhifəsində “bu gün” bölməsinin altında, digəri isə Apple məhsul səhifəsindəki “tövsiyə olunanlar” bölməsində yerləşəcək. 2022-ci ildə təkcə reklam gəlirinin Apple şirkətinə 5 milyard dollar gəlir gətirəcəyi gözlənilir. Bəs siz Apple şirkətinin bu addımı haqqında nə düşünürsünüz? Fikirlərinizi şərhlər bölməsində bizimlə bölüşə bilərsiniz.
