Uzun müddətdir ki, Apple şirkətinin Apple Car adlı avtomobil layihəsi ilə məşğul olduğu artıq hərkəsə məlumdur. İndi isə Apple Car layihəsi çərçivəsində sürücüsüz avtomobil testləri barədə yeni məlumatlar ortaya çıxıb. Ümumiyyətlə deyə bilərik ki, Apple Car layihəsi illərdir səs-küy yaratsa da, layihədə işlər heç də yaxşı getmir. Bir çox kadr dəyişikliyi olan layihə çərçivəsində bu gün məlum olub ki, Apple ilk avtomobilinin çox əhəmiyyətli sürücüsüz idarəetmə sistemini 7 fərqli vasitə və 201 fərqli test sürücüsü ilə sınaqdan keçirib.
Qeyd edək ki, çoxsaylı sınaqlardan sonra Apple Car layihəsini çərçivəsində sürücüsüz avtomobil testlərinin miqyası ciddi şəkildə azaltmışdı. Amerikalı avtomobil nəhəngi indi sınaqları yenidən sürətləndirməyə başlayıb. 2024-cü ildə aparılacaq sınaqlar çərçivəsində sürücü və nəqliyyat vasitələrinin sayını daha artırmaq niyyətində olan Apple, bu mövzudan çalışan yeganə texnologiya şirkəti deyil. Bir çox şirkət o cümlədən çinin ən böyük texnologiya şirkətlərindən olan Xiaomi də hazırda bu mövzu üzərində ciddi olaraq çalışır.
Ötən il bir çox mənbənin iddiasına görə Apple imzalı ilk avtomobilin məhz 2026-cı ildə təqdim ediləcəyi gözlənilirdi. O cümlədən daha əvvəl Apple Car modelinin heç bir əyləc pedalı, sükan ilə təchiz edilməyəcəyi iddia olunsa da, sonradan elektromobilin ənənəvi dizayna sadiq qalacağı məlum olmuşdu. Beləliklə Apple şirkəti öz elektromobilində Tesla, Xiaomi və digər avtomobil nəhəngləri kimi ənənəvi avtonom idarəetmə xüsusiyyətlərindən istifadə edəcək. O cümlədən avtomobilin qiymətinin 100 min dollardan aşağı olacağı da iddia edilir.
