Texnologiya dünyasının ən böyük adlarından biri olan AMD CES 2024 sərgisində yeni RX 7600 XT qrafik kartı və Ryzen 8000 prosessorlarını təqdim edib. Belə ki, yeni qrafik kart və prosessorlar möhtəşəm performansları ilə diqqətləri cəlb edib. Qeyd edək ki, eyni zamanda AMD ilə rəqib olan Nvidia brendi də yeni RTX 40 Super seriyalı qrafik kartlarını təqdim edib. Görünən odur ki, texnologiya nəhəngləri bir daha qarşı-qarşıya gəlib.
İlk öncə onu qeyd edək ki, AMD ötən il 8GB Radeon RX 7600 qrafik kartını təqdim etmişdi. İndi isə CES 2024 bu seriyanın ən yeni flaqman qrafik kartına ev sahibliyi etdi. AMD rəsmi olaraq 16 GB tutumlu yeni Radeon RX 7600 XT qrafik kartını elan edib. 1440P təsvir ölçüsündə oyunlardan həzz almağa imkan verən və xüsusilə 1080P təsvir ölçüsündə ən yüksək performans təmin edən qrafik kart 329 dollar qiymət etiketinə sahib olub. Qeyd edək ki, oyun sınaqları zamanı yeni qrafik kart rəqibi Nvidia RTX 4060-modelini çox vaxt üstələməyi bacarıb.
CES 2024 sərgisinin ən mühüm məqamlarından biri isə AMD brendi yeni Ryzen 8000 prosessorlarını təqdim edərkən yaşanıb. Qeyd edək ki, seriyaya xüsusi olaraq Ryzen 3 8300G, Ryzen 5 8500G, Ryzen 5 8600G və Ryzen 7 8700G modelləri daxildir. Habelə bu prosessorlar müvafiq olaraq Radeon 740M, 760M və ya 780M qrafik blokları ilə təchiz olunub. Ən yüksək performansa sahib olan 8 nüvəli Ryzen 7 8700G modeli 5.1Ghz-ə qədər çata bilir. Habelə 24 MP yaddaşa malik olan 65 Vt TPD göstəricili bu prosessor 329 dollar qiymət etiketinə də sahib olub.
