Twitter qurucusu Jack Dorseyin maliyyə xidmətləri şirkəti Block-un törəmə şirkəti olan TBD, Bitcoin əsaslı Web 5.0 ekosistemi quracağını açıqlayıb. Bildirilib ki, Web 5.0 yalnız Bitcoin blockchain texnologiyasına əsaslanacaq.
Kriptovalyutalar və NFT texnologiyaları tez-tez gündəmə gəlir. Bu səbəbdən bir çox texnologiya nəhəngi internetin növbəti versiyası olaraq görülən Web 3.0 hədəfinə doğru sürətlə addımlayır. Web 3.0 mərkəzləşdirilmiş səlahiyyətləri aradan qaldıran, mərkəzləşdirilməmiş blockchain əsaslı internet versiyasını ifadə edir.
Web 5.0 haradan ortaya çıxdı?
İndi isə kriptovalyutalara marağı ilə tanınan Twitter şirkətinin qurucusu Jack Dorsey yeni bir addım atır. Verilmiş məlumata görə, Dorsey Web 3.0 geniş yayılmağa başlamazdan əvvəl Web 5.0 platforması qurmağa başlayıb.
Jack Dorseyin maliyyə xidmətləri firması Block-a məxsus olan TBD, kriptovalyutalara əsaslanan mərkəzləşdirilməmiş internet mühiti qurmağı planlaşdırdığını açıqlayıb. Bildirilib ki, layihənin adı Web 5.0 olacaq . Bundan əlavə edilən açıqlamalarda kriptovalyuta və blockchaindən istifadə edən Web 3.0-in məqsədlərinin doğru olduğu lakin onun səhv alətlərdən istifadə etdiyi deyilib.
Müvafiq olaraq Web 5 , Web 3.0-dan fərqli olaraq yalnız tək blockchain, başqa sözlə Bitcoin əsasında qurulacaq. Şəxsiyyətə əsaslanan bir sistem olacaq. Namcios adlı Twitter istifadəçisinin sözlərinə görə bu yeni alternativ “Bitcoin blockchainində işləyən ictimai DID şəbəkəsi” kimi təsvir edilən ION-dan (Identity Overlay Network) istifadə edəcək. Mərkəzləşdirilməmiş identifikator mənasını verən DID, mərkəzləşdirilməmiş rəqəmsal şəxsiyyət kimi izah edilə bilər.
Dorsey əvvəlki açıqlamalarında Web 3.0 barədə xeyli tənqid etmişdi. internetin bu versiyasının heç vaxt “mərkəzsizləşdirmə” anlayışına çatmayacağını düşündüyünü bildirmişdi. Bu səbəbdən məşhur milyarderin Web 5.0 adlı layihəyə üz tutduğunu söyləmək olar.
Nəhayət həmçinin bildirildi ki, yeni Web 5 ekosistemi senzuraya davamlı olacaq. İstifadəçilərin öz məlumatlarına və şəxsiyyətlərinə nəzarəti təmin etməyi vəd edəcək. Tərtibatçılara mərkəzləşdirilməmiş proqramlar yaratmağa imkan verəcək. BTC əsaslı pul şəbəkəsinə sahib olacaq. Bundan əlavə, Web 5-in istifadəçilərin müəyyən bir DID-ə bağlı məlumatlardan istifadə edə bilməsi üçün məlumatların toplanması mesajının ötürülməsi mexanizmi olan DWN-dən (Decentralized Web Node) faydalanacağı bildirilib. Bəs siz bu mövzu haqqda nə fikirləşirsiniz? Fikirlərinizi bizimlə bölüşməyi unutmayın.
