Toğrul Səməd tərəfindən təsis edilən Azərbaycan startapı Voiceloft Qazaxıstanda keçirilən “Silkway Accelerator” proqramına qəbul alıb. Bu proqram Google for Startups və Astana Hub tərəfindən birgə həyata keçirilir. Proqram Qazaxıstan, Özbəkistan, Qırğızıstan, Tacikistan, Türkmənistan, Azərbaycan, Monqolustan və Gürcüstandan “Product Market fit” və “Scale” mərhələlərində startaplar üçündür.
Ölkəmizdən Silkway Accelerator proqramına Voiceloft startapı qəbul alıb. Voiceloft platforması Toğrul Səməd tərəfindən təsis edilib. Voiceloft, süni intellek əsaslı dataset, yəni verilənlər toplanması ilə bağlı startapdır. Startap bir neçə ay əvvək keçirilən son 500 Global akselerasiya proqramının məzunudur və buradan 100.000 dollar investisya almışdı.
Google for Startups ilə əməkdaşlıqda PMF (məhsul/bazar uyğunluğu) və Scale (miqyaslı və ixrac mərhələsindəki layihələr) təşəbbüsləri üçün nəzərdə tutulmuş Silkway Accelerator Proqramı iştirakçılara startapları üçün effektiv biznes prosesləri yaratmaqda, miqyaslaşdırmaqda, həmfikir insanlarla görüşməkdə və hazırlaşmaqda kömək edir.
Google for Startups və Astana Hub-ın Silkway Accelerator proqramında nəinki ən yaxşı ekspertlər və mentorlarla startapınızı inkişaf etdirəcək, həm də eyni zamanda resurslarınızı nəticələrə çevirəcəksiniz. Bu proqram Astanada oflayn rejimdə keçiriləcək və Mərkəzi Asiya, Monqolustan, Azərbaycan və Gürcüstandan Məhsul Bazarının uyğunlaşdırılması və Miqyas mərhələsinin təşəbbüslərinə yönəlib. Qlobal bazarlara uğurlu giriş təcrübə, tərəfdaşlıq və ən yaxşı təcrübə tələb edir. Silkway Accelerator isə startaplar üçün Google ilə birgə hazırladığı Silkway Accelerator proqramımızda məhz bunu təklif edir.
