UNEC Startup inkubator tələbələr və digər şəxslərin startap ideyalarını gerçəkləşdirməyə dəstək vermək məqsədilə “BootSTART” proqramına start vermişdi. BootSTART proqramı – 6 həftəlik intensiv startap yetişdirmə proqramıdır. Proqramda İsrail modelindən istifadə olunacaq və startap üzrə yüksək təcrübələrə malik olan İsrail və Azərbaycanın bir çox mentor və mühazirəçiləri iştirakçılara öz dəstəyini göstərir. İdeyaları konseptin təsdiqi və MVP mərhələsinə çatdırılmasına dəstək olan “BootSTART” proqramı 16 dekabr tarixinədək davam edib.
Məlumat üçün bildirək ki, 16 dekabr tarixində Azərbaycan Dövlət İqtisad Universitetində təşkil edilən BootSTART proqramının “Pitch day” tədbiri baş tutub. 6 həftə davam edən intensiv proqramda iştirak etmiş komandalar öz startap ideyaları ilə çıxış etmiş və hər biri böyük maraq toplamışdırlar.
UNEC Startup İnkubatorun rəhbəri Mübariz Şahbazlı və Universitetin prorektoru Raqif Qasımov çıxış edərək tədbiri başlatmış, İnnovasiya və Rəqəmsal İnkişaf Agentliyi, Coders Academy, SUP VC, IT şirkətləri, müxtəlif dövlət orqanları əməkdaşları, eləcə də bir çox ekosistem oyunçuları və.s. iştirak edərək tədbirə öz dəstəklərini göstərmişdir. Ən sonda startaplar arasında keçirilmiş bu yarışda peşəkar münsif heyətinin dəyərləndirməsinə əsasən, 6 komanda növbəti mərhələyə vəsiqə qazanıb
Proqram bitdikdən sonra seçilən top 5 komanda ilə birlikdə inkubatorun digər mərhələlərinə keçid olunacaqdır. Top 5 komandaya ilkin investisiya, hostinq, ofis rezidentliyi və digər rəqəmsal dəstəklər veriləcəkdir.
