Tesla şirkətinin qurucu ortaqlarından biri hesab olunan JB Straubel egionun ən böyük innovasiya sammiti üçün Bakıya gəlir. Belə ki, Tedroid Media-nın da media tərəfdaşı olduğu InMerge Innovation Summit üçün bir çox məşhur şəxslər ölkəmizə gələcək. Onlardan biri isə elektromobil sahəsində lider olan Tesla şirkətinin qurucu ortaqlarından biri olan Jeffrey Brian Straubel-dir. Ümumiyyətlə Straubel ilk dəfə 2004-cü ildə Tesla şirkətinə 5-ci işçi kimi qatılıb. Daha sonra isə o şirkətin ilk baş texniki direktoru olmuşdur. Qeyd edək ki, Straubel Stenford universitetindən enerji sistemləri mühəndisliyi üzrə bakalavr dərəcəsinə və enerji mühəndisliyi üzrə magistr dərəcəsinə malikdir. O cümlədən 2017-ci ildə o, litium-ion batareyaların yenidən istehsalı üçün çalışan Redwood Materials adlı şirkətin də əsasını qoymuşdu. Hazırda isə şirkətin baş icraçı direktoru vəzifəsini icra edir.
Sadə bir elektrik mühəndisliyindən dünyanın ən böyük şirkətlərinin birində qurucu ortaq olan JB Straubel bakıda keçiriləcək InMerge Innovation Summit tədbirində iştirak edərək, texnologiya həvəskarlarına öz həyatından danışacaq və onlar üçün maraqlı məqamlara toxunacaq. Qeyd edək ki, PAŞA Holdinqin təşkilatçılığı və Trendyol Qrupunun dəstəyi ilə keçirilən InMerge İnnovasiya Sammiti Bakıda korporativ innovasiyalar üzrə həvəsi olan innovatorları, aparıcı texnologiya şirkətlərini və liderləri, startapları, eləcə də investorları bir araya gətirmək məqsədi daşıyır. Sammit, öz sahələrində transformasiyanı təşviq etmək, innovasiya ekosisteminə inteqrasiya etmək və strateji şəbəkələr vasitəsilə özünü təkmilləşdirməyə kömək etmək istəyən hər kəs üçün açıqdır.
TədbirdəJB Straubel-dən əlavə olaraq, Azərbaycan bazarında yeni daxil olan Trendyol şirkətinin icraçı direktoru Çağlayan Çetin, UnionBank of Flippin-in icraçı direkoru David Hardoon, o cümlədən Bakcell şirkətinin baş direktoru Klaus Müller və məşhur TED spikeri Michael Ringel, Apple şirkətinin qurucularından olan Steve Wozniak kimi adlar da iştirak edəcək. Bundan əlavə Kapital Bank baş icraçı direktoru Fərid Hüseynov, Caucasus Ventures baş partnyoru Məmməd Kərim, PAŞA Holdiniq baş icraçı direktoru Cəlal Qasımov da iştirak edəcək. Ümumilikdə isə sammitdə Ecom, Fintech, Telecom, süni intellekt, Insurtech və energy mövzularında danışıqlar da olacaq.
30 noyabr- 1 dekabr tarixləri arasında Bakı Konqres Mərkəzində keçiriləcək sammitdə iştirak etmək üçün bilet əldə etməyə tələsin. Qeyd edək ki, Tedroid Media izləyiciləri üçün xüsusi olaraq10% endirim də təklif olunur. Belə ki, siz iticket səhifəsində bilet alarkən promokod bölməsinə InT1RMerge0 daxil etsəniz, endirimi əldə edə biləcəksiniz. Yerinizi indidən tutun ki, daha görəcəyiniz çox sürpriz var və daha çox üçün izləmədə qalın!
