Bu dəfə bakıya Freedom Holding CEO-su Timur Turlov gəlir. Belə ki, Timur InMerge Innovation Summitdə çıxış etmək üçün ölkəmizə gələcək. Tedroid Media-nın da media tərəfdaşı olduğu InMerge Innovation Summit-də rusiya əsilli maliyyəçi, Freedon Finance şirkətinin qurucusu da iştirak edəcək. Timur kariyerasına Amerikanın World Capital Investments investisiya şirkətində işləməklə başlayıb. O burada əsasn tacir olaraq fəaliyyətə başlasa da, daha sonra uğurlara imza atmağı bacarıb.
Timur Turlov öz kariyerasını Uniastrum Bank-da davam etdirib. Lakin bütün uğurlarına rəğmən o, Uniastrum Bankın satılmasında sonra buradakı işinə son vermək məcburiyyətində qalıb. Məhz bu bankın bağlanması Timur üçün hərşeyin başlanğıcı olmuşdur. Çünki, o, 2008-ci ildə həmkarları ilə birlikdə ABŞ fond bazarlarına və broker xidmətlərinə çıxış təmin edən Freedon Finance şirkətinin, indiki adı ilə “Freedom Holding”-ın əsasını qoydu. Hazırda şirkət 13 ölkədə təmsil olunur və şirkətin əməliyyat məbləği 32.3 miyon dollardır. Ümumilikdə şirkətin əsas təcrübəsi Amerika fond bazarıdır, burada o, ABŞ-ın əsas birjalarına yəni, NYSE, NASDAQ, CBOE, CME, AMEX və həmçinin Avropa birjaları LSE və Euronext-də ticarətə birbaşa çıxışı təmin edir.
Maliyyə sahəsində qurduğu kariyerasını bir neçə il ərzində inanılmaz dərəcədə inkişaf etdirən Freedom Holding CEO-su Timur Turlov InMerge Innovation Summit tədbirində iştirak edərək, maliyyə sahəsi ilə maraqlananlar üçün bu sahədə əldə etdiyi uğurlardan danışacaq və onlar üçün maraqlı məqamlara toxunacaq. Qeyd edək ki, PAŞA Holdinqin təşkilatçılığı və Trendyol Qrupunun dəstəyi ilə keçirilən InMerge İnnovasiya Sammiti Bakıda korporativ innovasiyalar üzrə həvəsi olan innovatorları, aparıcı texnologiya şirkətlərini və liderləri, startapları, eləcə də investorları bir araya gətirmək məqsədi daşıyır. Sammit, öz sahələrində transformasiyanı təşviq etmək, innovasiya ekosisteminə inteqrasiya etmək və strateji şəbəkələr vasitəsilə özünü təkmilləşdirməyə kömək etmək istəyən hər kəs üçün açıqdır.
Tədbirdə Timur Turlov-dan əlavə olaraq, Azərbaycan bazarına yeni daxil olan Trendyol şirkətinin icraçı direktoru Çağlayan Çetin, UnionBank of Flippin-in icraçı direkoru David Hardoon, o cümlədən Bakcell şirkətinin baş direktoru Klaus Müller və məşhur TED spikeri Michael Ringel, Apple şirkətinin qurucularından olan Steve Wozniak və Tesla şirkətinin qurucu ortaqlarından biri hesab olunan JB Straubel kimi adlar da iştirak edəcək. Bundan əlavə Kapital Bank baş icraçı direktoru Fərid Hüseynov, Caucasus Ventures baş partnyoru Məmməd Kərim, PAŞA Holdiniq baş icraçı direktoru Cəlal Qasımov da iştirak edəcək. Ümumilikdə isə sammitdə Ecom, Fintech, Telecom, süni intellekt, Insurtech və energy mövzularında danışıqlar da olacaq.
30 noyabr- 1 dekabr tarixləri arasında Bakı Konqres Mərkəzində keçiriləcək sammitdə iştirak etmək üçün bilet əldə etməyə tələsin. Qeyd edək ki, Tedroid Media izləyiciləri üçün xüsusi olaraq 10% endirim də təklif olunur. Siz iticket səhifəsində bilet əldə edərkən sağ aşağı hissədə yerləşən promokod bölməsinə InT1RMerge0 daxil etsəniz, endirimi əldə edə biləcəksiniz. Yerinizi indidən tutun ki, daha görəcəyiniz çox sürpriz var və daha çox üçün izləmədə qalın!
