Beləliklə Türkiyə və Azərbaycanın fintech ekosistemləri yenidən bir araya gələcək. Belə ki, Bakıda Fintech Innovation Hub – FTIHUB təşkilatı tərəfindən Türkiyə və Azərbaycan Fintech Forumu təşkil olunacaq. Qardaş ölkənin fintech ekosistemi ilə ölkəmizin ekosisteminin bir araya gələcək forum 6 sentyabr tarixində baş tutacaq. Qeyd edək ki, forum Baku Marriot Hotel binasında keçiriləcək. Həmçinin forumda Azərbaycan maliyyə texnologiyaları sənayesinin aparıcı adları iştirak edəcək və gələcəyin rəqəmsal maliyyə dünyasına işıq salacaq.
Bundan əlavə qeyd edək ki, FTIHUB tərəfindən təşkil olunacaq fintech forumunda Azərbaycan Maliyyə Texnologiyaları Assosiasiyası və Türkiyə Ödəniş və Elektron Pul Qurumları Assosiasiyası yüksək səviyyədə iştirak edəcək. Həmçinin hər iki ölkənin tanınmış fintech şirkətləri və bankları da forumda yer alacaq. Ümumiyyətlə bu tədbir iki ölkənin ekosistemləri arasında yeni imkanlar açacaq. Tədbirdə Rəqəmsal ödəniş sistemlərindən maliyyə təhlükəsizliyinə, süni intellektdən blokçeyn texnologiyalarına qədər bir çox mövzular əhatə olunacaq.
Tədbirin təşkilatçısı, Fintech Innovation Hub – FTIHUB-un qurucusu Kutay Yalınkılınç regionun iki güclü oyunçusu olan Türkiyə və Azərbaycanın maliyyə texnologiyaları sahəsində ən son inkişafları və yenilikləri bölüşmək üçün bu tədbiri təşkil etdiklərini bildirib. O, əməkdaşlıq şəbəkəsi yaratmağı və rəqəmsal maliyyə dünyasının gələcəyini formalaşdıracaq imkanların kəşfini təmin etməyi səbirsizliklə gözlədiklərini bildirdi. Yalınkılınç, tədbirdə iştirakçıların sayı 150 ilə məhdudlaşdırıldığı üçün iştirak etmək istəyənləri bir an əvvəl qeydiyyat keçməli olduğunu bildirib.
