Bəlkə də bəziləri üçün maraqlı olmasa da son 1 ildə yeni kosmik aparatlarla çəkilən görüntülər, marsdan olan tədqiqatlar və.s astronomiya sahəsinə olan marağı sürətlə artırmışdır. Təəssüf ki, istər astronomiya sahəsində çalışmaq, istər fantastik də görünsə kosmik səyahət etmək müəyyən çətinlikləri özündə birləşdirir. Nəticədə bu sahəyə maraq göstərən insanlar əksər hallarda öz araşdırmaları, izlədikləri videolar ilə qane olurlar. Lakin Azərkosmos tərəfindən astronomiya həvəskarlarını sevindərəcək bir məlumat paylaşılıb. Belə ki, Azərkosmos NASA astronavtı ilə onlayn görüş keçirəcək.
NASA astronavtı Çarlz Bolden ilə görüş sabah saat 17:30-da keçiriləcək
Azərkosmosun verdiyi məlumata görə, 12-ci NASA administratoru və 8 il (2009-2017) NASA rəhbəri işləmiş Çarlz F Bolden ilə onlayn görüş planlaşdırılıb. Ümumdünya Kosmos Həftəsi çərçivəsində keçiriıəcək onlayn görüş 4 oktyabr tarixində, yəni sabah baş tutacaq. Saat 17:30-dan etibarən Microsoft Teams üzərindən Çarlz Boldenə bu sahədə istədiyiniz sualları verə biləcəksiniz. Həmçinin qeyd edək ki, bu vaxta qədər 4 kosmik gəmi missiyasında iştirak edən astronom ilə görüşdə sualları ünvanlamaq üçün ingilis dilini bilməyiniz vacibdir.
Onlayn tədbirə qoşulmaq üçün isə hansısa bir qeydiyyatdan və.s tələb olunmur. Sadəcə aşağıdakı görüşə get düyməsinə kliklədikdə uyğun Microsoft Teams otağına yönləndiriləcəksiniz. Onlayn tədbir iştirakçılarına isə astronavta verəcəyi sualları əvvəlcədən hazırlaması məsləhət görülür. Çünki, onlayn görüşdə sualların necə qəbul ediləcəyi kimi detallar, o cümlədən tədbirin həcmindən aslı olaraq iştirakçılara nə qədər vaxt veriləcəyi məlum deyil. Nəticədə əvvəlcədən hazırlıqlı olmaqda fayda var.
