Yaponiyanın SLIM adlı kosmik gəmisi bu yaxınlarda Aya tərs eniş edib və Yaponiya Aya enən 5-ci ölkə olub. Yaponiya Aerokosmik Tədqiqatlar Agentliyi (JAXA) tərəfindən hazırlanmış “SLIM” kosmik gəmisi ABŞ, Rusiya, Çin və Hindistandan sonra Yaponiyanın da adının tarixə keçməsinə imkan verib. JAXA-nın bu uğurla bağlı verdiyi ilk açıqlamada qeyd olunur ki, “Enişdən sonra kosmik gəmi ilə əlaqə quruldu. Bununla belə, SLIM roverindəki günəş batareyaları hazırda enerji istehsal etmir və hazırda SLIM-dən məlumatların toplanmasına üstünlük verilir”.
Yuxarıdakı şəkildə də göründüyü kimi Yaponiyanın “SLIM” adlı kosmik gəmisi Aya tərs eniş edib. Açıqlamaya görə, gücü tükəndiyi üçün əsasən ölü kosmik gəmiyə çevrilən SLIM-in fotoşəkili Ayda araşdırmalar aparan Lunar Excursion Vehicle 2 tərəfindən çəkilib. Başı aşağı enən SLIM həm də ilkin olaraq hədəfə alınmış eniş məntəqəsindən təxminən 55 metr uzaq məsafəyə enib. Hazırd yapon alimləri kosmik gəminin işə salınması üçün əllərindən gələni etməyə çalışsa da, onun günəş panelləri şarj olmadığı üçün enerji çox məhduddur.
Hazırda kosmik gəminin əsas mühərrikində baş verən nasazlığın əsas səbəbi araşdırılır. Kosmik gəmini gücləndirən günəş hüceyrələri qərbə baxdığından, bərpa olma şansı azdır. Lakin yenə də zaman keçdikcə günəşdən kifayət qədər şüa hüceyrələrə çatarsa onda kosmik gəmini bərpa etmək mümkün ola bilər. Agentlik həmçininkosmik gəmidən daha çox texniki və elmi məlumat toplamaq üçün lazımi hazırlıqları görəcəyini bildirib.
