Bildiyimiz kimi, Çində Tesla avtomobilləri küçələrdə, magistral yolllarda, dayancaqlarda o cümlədən bütün nəqliyyat yollarında qadağan edilir. Məhz bu çərçivədə Tesla üçün məhdudiyyətlər sürətlə artmağa davam edir. Çində milli təhlükəsizlik riskləri səbəbiylə Tesla elektromobilləri getdikcə daha çox bölgədə qadağan olunmağa başlayıb. Maraqlıdı budur ki, daha əvvəl məhdudiyyətlər sadəcə hərbi bazalara aid edilsə də, indi bir çox küçə, magistral yol və dayancaqlarda tətbiq edilir.
Nikkei Asia tərəfindən verilən xəbərə görə, Çində Tesla sahibləri üçün məhdudiyyətlər inanılmaz sürətlə artır. Ümumiyyətlə Çinin Tesla-ya bu qədər qarşı çıxmasının səbəbi nədir? Bildiyimiz kimi, Tesla elektromobillərinin təchiz edildiyi kameralar daim ətraf mühiti qeyd edir və real vaxt rejimində bu kameralar ilə müşahidə aparmaq mümkündür. Çin höküməti bu kameraların “həssas əraziləri” gizlicə təsvir edə biləcəyindən narahatdır. Məhz bu səbəbdən ilk öncə elektromobillər hərbi bazaların ətrafında qadağan edilmişdi.
Artıq Çində bir çox dayancaqlarda Tesla qadağası ilə bağlı işarələr mövcuddur. Tesla elektromobilləri hərbi bazaların, polis məntəqələrinin, həbsxanalarının, dövlət idarələrinin ətrafındakı dayancaqlarda saxlanıla bilməz və istifadə oluna bilməz. Bundan əlavə, hökumətə bağlı bəzi ticarət, konqres və biznes mərkəzləri Tesla avtomobilləri üçün bağlıdır. Bu qadağaların əhatə dairəsi bölgədən rayona və şəhərdən şəhərə dəyişir. Bildirilir ki, Çindəki bəzi tədbir təşkilatçıları qonaqlara və iştirakçılara Tesla ilə girişi mədudlaşdırılacağı barədə məlumat veriblər. Əslində Tesla kameralarından alınan məlumatlar yalnız Çindəki serverlərdə və elektromobillərin özündə saxlanılsa da, Çin geri addım atmır. Görünən odur ki, bütün məhdudiyyətlərin arxasındakı əsas səbəb ABŞ və Çin arasındakı gərginlikdir.
