Yaponiyanın Keio Universitetinin tədqiqatçıları plastikdən gələcəyin ən böyük texnologiya və mərkəzlərində istifadə oluna biləcəyini aşkar ediblər. Belə ki, tədqiqatçılar, süni intellektlə təchiz edilmiş məlumat mərkəzlərində qısa məsafəli, yüksək sürətli kommunikasiyada inqilab yarada biləcək innovativ plastik fiber optik texnologiyasını hazırlayıblar.
Keio Fotonika Tədqiqat İnstitutundan prof. Yasuhiro Koike və Kenta Muramoto-nun rəhbərlik etdiyi komanda hər nüvəyə 106,25 Gbit/s məlumat ötürməyə qadir olan çoxnüvəli plastik optik lif hazırlayıb. Bu inkişaf, xüsusilə AI infrastrukturlarında GPU-lar və sürətləndiricilər arasında lazım olan yüksək tutumlu, aşağı gecikmə müddəti olan bağlantılar üçün kritik bir həll təmin edəcəkdir. Ənənəvi şüşə fiberlərdən fərqli olaraq, bu yeni fiberlər ekstruziya ilə qəlibləmə üsulu ilə bir addımda istehsal oluna bilər. Bu, istehsal prosesini 10-100 dəfə daha ucuz və daha az mürəkkəb edir. Bundan əlavə, nüvələrin sayından və düzülüşündən asılı olmayaraq kütləvi istehsal üçün uyğun olması yeni dizayn edilmiş məlumat mərkəzi arxitekturaları üçün böyük çeviklik təmin edir.
Sınaqlarda 30 metr üçün 106,25 Gbit/s sürətlə ötürülən PAM4 siqnallarında siqnal keyfiyyətinin yüksək olduğu və təhrifin minimum səviyyədə qaldığı müşahidə edilib. Bit səhv dərəcələrinin ənənəvi şüşə fiberlərdən 10.000-100.000 dəfə aşağı olduğu bildirilir. Komanda 61 nüvəli dairəvi və 4 nüvəli düzbucaqlı variantlarda apardıqları təcrübələrdə bütün nüvələrdə etibarlı və sabit ötürmə əldə edib. Bildirilib ki, VCSEL lazerləri ilə birləşən sistem heç bir təhrif olmadan 30 metr məsafədə 106,25 Gbit/s sürətlə siqnal ötürülməsinə nail olub. Mütəxəssislərin fikrincə, Keio Universitetinin çoxnüvəli plastik lifli kəşfi növbəti illərdə daha sürətli, daha enerjiyə qənaət edən və genişlənə bilən AI infrastrukturlarına yol aça bilər.
