Google, telefonları masaüstü istifadəçi interfeysində istifadə etməyə imkan verən Samsung-un DeX funksiyasına bənzər bir masaüstü rejimini Android-ə inteqrasiya etməyə hazırlaşır.
Belə ki, Android Authority ən son Android 16 beta versiyası üzərində işləyən Google Pixel 8 Pro-da tərtibatçı seçimləri altında Android masa üstü rejimini aktivləşdirməyi bacarıb. Telefon USB-C uyğun monitora qoşulduqdan sonra videoda göründüyü kimi kompüterə bənzər interfeys görünür. İş masası rejimində status paneli telefonlarda olduğu kimi yuxarıda yerləşir. Aşağıda proqramlara asanlıqla daxil olmaq üçün tapşırıq paneli var. Tapşırıq panelinin sağında Windows Başlat Menyu tipli proqramlar qutusu və Android-in klassik naviqasiya düymələri də var.
Proqramlar pəncərə rejimində işləyir, bu, Android planşetlərindəki təcrübəyə çox bənzəyir. Siz həmçinin Windows-da olduğu kimi pəncərələrin ölçüsünü dəyişmək və ekranın sağına və ya soluna çəkərək bir ekranda iki proqramdan istifadə etmək kimi seçimlər əldə edə bilərsiniz. Android-in yeni iş masası rejimi hələ də inkişaf mərhələsindədir və çox güman ki, Android 16-nın stabil versiyası ilə mövcud olmayacaq.O, Android 16-nın növbəti 3 aylıq yeniləməsində tərtibatçı seçimlərində buraxıla bilər. Daha real hesablamalara görə, o, gələn il Android 17 ilə buraxılacaq.
