Təxminən bir il əvvəl ilk avtomobilini satışa çıxaran Xiaomi, öz ölkəsində tez bir zamanda Tesla-nı yerini tutmağı bacarıb. Belə ki, Çinli avtomobil nəhəngi Amerikalı rəqibini SU7 modeli ilə sıxışdırmağı bacarıb.
Aprel ayında 28.000-dən çox SU7 satdığını açıqlayan şirkət, yəqin ki, son bir ayda Tesla-dan daha çox avtomobil çatdırmağı bacarıb. Qeyd edək ki, Tesla-nın ixracın diqqət mərkəzində olduğu bir ay olan aprel ayında Çinə 28.000 ədəd tədarük edəcəyi gözlənilir. 2025-ci ilin ilk dörd ayında 104.000 satış həddini tək bir modellə keçən Xiaomi, iyun ayında Model Y-yə rəqib olaraq inkişaf etdirdiyi elektrik SUV seqmentində YU7-nin satışa çıxarılması ilə əsl sıçrayış edəcək. Təbii ki, Tesla da bu rəqabətə hazır ola bilmək üçün boş dayanmayacaq. Tesla da məşhur SUV elektromobili Model Y-in daha ucuz və sadə komplektasiyalara sahib versiyasını hazırlayacaq.
Ümumiyyətlə, Xiaomi elektrik avtomobilləri dünyasında böyük sıçrayış edib. Texnologiya nəhəngi SU7 modeli ilə Model 3-ü geridə qoymağı bacarıb. Hətta şirkət şirkət ilk altı ayda Tesla-nın Model 3 üçün əldə etdiyi rəqəmləri üstələyərək 70.000 SU7 istehsal etmişdi. Tesla-nın ən böyük “silahı” Model Y olsa da, Xiaomi indi YU7-ni bu modellə rəqabət aparmağa hazırlayır. Yayda istehsalına başlanacaq YU7, Model Y ilə eyni şəkildə yerləşdiriləcək. Əgər SU7-nin Model 3-ə qarşı uğuru təkrarlanarsa, Tesla üçün işlər çətinləşə bilər. Belə ki, bu yaxınlarda Tesla, Model Y-i yeniləsə də alınan sifarişlərin sayı gözləntilərindən az olmuşdu. Xiaomi-nin aqressiv qiymət siyasəti və sürətli istehsal prosesi Teslanın bazardakı üstünlüyünü ciddi şəkildə təhdid edə bilər.
