Security Magazine mənbəsinin apardığı araşdırmaya görə Qlobal internet trafikində insanların payı son 8 ilin ən aşağı səviyyəsinə düşüb. Araşdırma nəticəsində bəlli olub ki, ötən il qlobal internet trafikinin 47.4% hissəsini məhz botlar təşkil edib. Ötən ilin internet trafikində insanları payına isə məhz 52.6% düşüb. Qeyd edək ki, bu göstərici son 8 il ərzindəki ən aşağı göstərici hesab olunur. Qlobal internet trafikdə böyük payı olan botlar əsasən zərərli fəaliyyətlər göstərib.
Araşdırmaya görə, botlar əsasən spam göndərmək, cəsusluq etmək, DDoS hücumlarını təşkil etmək kimi məqsədləri olub. Qlobal internet trafikindəki botların əsas hissəsi zərərli botlar olsa da, zərərsiz botları da görmək mümkündür. Lakin hər il zərərli botların sayı artır. Belə ki, bu il zərərli botların sayı ötən il ilə müqayisədə 2.5% artaraq 30.2% təşkil edib. Ümumi olaraq isə Turizm, pərakəndə satış və maliyyə sahələri ən çox bot hücumlarına məruz qalan sahələrdir. Belə ki, müvafiq olaraq onlar 24.7%, 21% və 35% nəticəyə sahibdirlər. Ən çox bot hücumuna məruz qalan sahə isə 58.7% ilə oyun sahəsidir. Telekommunikasiya sahəsi isə 47.7% ilə ikinci yerdə dayanır. Bununla da deyə bilərik ki, Qlobal internet trafikində insanların payı botların payından daha çox olsa da, daha az təsir göstərir.
Qlobal internet trafikində botların hücumuna ən çox məruz qalan ölkələrin 7-də göstərici orta səviyyədən yüksək hesab olunur. İlk üçlüyə Almaniya 68.6%,İrlandiya 45.1%, Sinqapur 43.1% göstərici ilə aiddir. Təəccüblüdür ki, texnologiya şirkətlərinin mərkəzi hesab olunan ABŞ-da bu göstərici sadəcə 32.1%-dir. Bundan əlavə qeyd etmək lazımdır ki, Qlobal internet trafikində insanların payı getdikcə azalır. Yaxın gələcəkdə internet trafikində əsas üstünlük məhz botlara da keçə bilər.
