NASA ötən gün açıqlama yayıb. Yayılan açıqlamada bildirilir ki, NASA Marsdakı bütün kosmik gəmilərlə əlaqəni itirib və bu vəziyyət hələ 2 həftə davam edəcək. Qeyd edək ki, bunun əsl səbəbi 11-25 noyabr tarixləri arasında Günəşin Marsda birləşməsidir. Məhz bu təbii hadisənin başverməsi Marsdakı bütün roverlər və digər kosmik gəmilərdən gələn siqnalların qarşısını alır. Ümumiyyətlə Mars və Yer öz orbitlərində günəşin əks tərəfindədir və bu vəziyyəti günəş birləşməsi adlanan hadisənin başverməsinə şərait yaradır. Nasa-ya görə bu müddət ərzində Marsdakı roverlərə əmrlər göndərmək çox risklidir, çünki günəşdən gələn müdaxilə zərərli təsir göstərə bilər.
Beləliklə NASA kosmik Marsdakı bütün kosmik gəmilərlə əlaqəni kəsərək onların daha əlverişli mövqelərə keçməsini gözləyəcək. Qeyd edək ki, Marsda günəş bilərşməsi iki ildən bir baş verir. Əslində indi proses tam baş vermədiyi üçün roverlər mütəmadi olaraq siqnal göndərə bilir. Lakin yaxın 2 gün ərzində onlar tamamilə səssiz qalacaq. Marsdakı Perseverance və Curiosity roverləri, Ingenuity helikopteri, Mars Reconnaissance Orbiter, Odyssey və MAVEN gəmiləri bir müddət Marsda sahibsiz qalacaq. Buna baxmayaraq, həm roverlər, həm də digər kosmik gəmilər Yerlə əlaqənin kəsildiyi iki həftəlik müddət ərzində məhdud miqdarda məlumat toplayaraq qırmızı planetdə elmi missiyalarını yerinə yetirməyə davam edəcəklər.
NASA-nın Jet Propulsion Laboratoriyasının mühəndisləri və missiya nəzarətçiləri günəş birləşmələri zamanı bütün siqnalları müvəqqəti olaraq kəsməyi seçirlər. Bu ssenaridə siqnalların Marsa çatması mümkündür, lakin əsas narahatlıq siqnalların bütövlüyündədir. Marsda nəqliyyat vasitələrinə göndərilən bəzi siqnallar itərsə və ya zədələnərsə, nəqliyyat vasitələri ciddi sistem təhlükələri ilə üzləşə bilər. Məhz Günəşdən yayılan isti, ionlaşmış qaz radio siqnallarını poza və ya onlara müdaxilə edə bilər.
