Bu gün elektrikli və daxili yanma mühərrikli avtomobillərin sayı durmadan artır. Məhz bu artımın əsas payı da məhz Çinli avtomobil brendlərinin üzərinə düşür. Hətta ötən illərdə Çində sadəcə elektrikli avtomobil üzrə ixtisaslaşan 400-dən çox brend mövcud idi. İndi isə bu say sadəcə 100-ə qədər enib. Əslində Çindəki avtomobil brendlərinin sayının azalması yerdə qalanların daha da güclənməsinə səbəb olur. Çünki, rəqabətli bazarda ayaqda dura bilməyən kiçik amma perspektivli brendlər nəhəng şirkətlərin çətiri altına daxil olur. Yekunda isə Çinli avtomobil brendlərinin sayı durmadan azalır. Hətta analitiklər fikirləşir ki, Çinli avtomobil brendlərinin sayı 5-10 il ərzində nə az, nə çox 80% azalacaq.
Ümumiyyətlə Çində avtomobil sahəsindəki inkişaf digər regionlardakı avtomobil nəhənglərini çox narahat edir. Bura həm ABŞ bazarından olan, həm də Avropa bazarından olan avtomobil brendləri daxildir. Hətta vəziyyət o qədər ciddidir ki, Avropa və ABŞ çinə qarşı sanksiyalara da başlayıb. Çinin bu sahədə inkişaf etməsi əslində gözlənilən idi. Çünki ucuz işçi qüvvəsi və bol xammalın olması Çini regionda lider edə bilir. Hətta Çində ucuz işçi qüvvəsi və xammalın səviyyəsi o qədər yüksəkdir ki, istənilən an yeni avtomobil brendi yaratmaq mümkündür.
Analitiklərə görə çinli avtomobil brendlərinin sayı yaxın 5-10 il əzrində ən az 80% azalacaq. Qalan 20% brendin isə 15%-i yerli bazarda qalacaq, digər 5% isə dünya bazarına çıxa biləcək. Yəni yaxında dünya bazarındakı Çinli avtomobil brendlərinin sayında azalma müşahidə olunacaq. Lakin Çinli brendlərin sayı azalsa da, daha böyük Çin brendlərinin gücü artacaq. Məhz bu vəziyyət yaxında Made in China imzalı flaqman elektromobillərin ortaya çıxmasına şərait yaradacaq.
