Almaniyada yerləşən elektrikli hava taksi startapı Lilium, son həftələrdə 10 ildən artıqdır ki davam edən fəaliyyətini dayandırdığını və təxminən 1000 işçisini işdən çıxardığını açıqlamışdı. Lakin, Lilium hava taksi startapı və eVTOL (elektrik şaquli uçuş və eniş) sənayesində sürətli dəyişikliklərin baş verdiyi bir vaxtda iflas astanasından qayıdıb və 200 milyon dollar investisiya alıb.
Cəmi bir neçə həftə əvvəl dekabrın 20-də iflas elan edən və işçilərinin əksəriyyətini işdən çıxarmalı olan Lilium dekabrın 24-dəaldığı investisiya ilə iflasdan qurtulub. Açıqlamaya görə, Mobile Uplift Corporation adlı investor qrupu 200 milyon dollar dəyərində dəstək verərək şirkətin ayağa qalxmasının yolunu açıb. Bu konsorsium ABŞ-da yerləşən özəl kapital şirkəti Fifth Wall, Avropalı maliyyə investoru, batareya istehsalçısı CustomCells və bəzi Lilium kreditorları və keçmiş səhmdarlardan ibarətdir. İnvestor qrupu Liliumun yenidən strukturlaşdırılması və fəaliyyətini davam etdirməsi üçün lazımi kapitalı təmin edəcəklərini bildirib.
Liliumun bu maliyyələşdirmə ilə iflasdan çıxması üçün Almaniyada iflas məhkəmələrinin təsdiqi və kreditorlarla danışıqlar böyük əhəmiyyət kəsb edir. Bundan əlavə, şirkət restrukturizasiya prosesini uğurla başa vurmalıdır. İnvestorlar ilk prototipin uçuş sertifikatı üçün lazımi büdcənin təmin edildiyini bildirərkən, Lilium-un uzunmüddətli hava taksiləri istehsal etməklə yanaşı, texnologiyasını təcili xidmətlərdə və ya vertolyotları əvəz edə biləcək tətbiqlərdə də istifadə edəcəyi ifadə edilir. Lilium saatda 100 km sürətə çata bilən tam elektrik təyyarələri ilə aviasiyada ekoloji cəhətdən təmiz bir inqilab etməyi hədəfləmişdi. Bu günə qədər şirkət prototip inkişaf prosesləri üçün 1,5 milyard dollardan çox investisiya alıb və ilk tədarüklərini 2026-cı ildə etməyi hədəflədiyini açıqlayıb. Lakin yüksək kapital tələbləri və risklərlə dolu bu sektorda işlər planlaşdırıldığı kimi getməyıib.
