Bu gün bir çox sahədə ekoloji cəhətdən təmiz məhsullardan istifadə olunur. Lakin bəzən ekoloji cəhətdən təmiz olduğunu düşündüklərimiz belə zərərli ola bilir. Belə ki, demək olar bütün qida şirkətləri tərəfindən istifadə olunan kağız pipetlər plastik qədər zərərli imiş. “Food Additives & Contaminants” jurnalında dərc edilmiş yeni bir araşdırmaya görə ekoloji cəhətdən təmiz hesab olunan bu ləvazimatlar tərkibində sonsuz miqdarda zərərli kimyəvi maddə ehtiva edir. Bu isə ətraf mühitə daha çox zəhərli maddələrin yayılmasına səbəb olur.
Bildiyimiz kimi, hal-hazırda bir çox fast-food və qida şirkətləri plastik pipetlərdən imtina edərək kağız pipetlərə keçid edib. Hətta yalnız pipetlər deyil istifadə olunan qutular və qablar belə kağızdan hazırlanır. Belçikalı tədqiqatçılar isə iddia edir ki, kağız pipetlər plastikdən daha zərərli maddələrə sahibdir. Belə ki, kağız və bambuk kimi bitki mənşəli materialların tərkibində PFAS adlanan poli və perfluoroalkil əsaslı maddələr mövcuddur. Nəticədə isə bu zərərli maddələr insanlarda qaraciyər problemlərinin yaranmasına da səbəb olur.
Qeyd edək ki, artıq Bekçika və Böyük Britaniya kimi ölkələr ekoloji cəhətdən təmiz adlandırılan bitki əsaslı materiallardan imtina edib. Maraqlısı budur ki, adı çəkilən perfluorooktanoik maddəsi 2020-ci ildən bəri dünyada qadağan edilib. Bütün bunlara baxmayaraq hər gün milyonlarla insan bu maddəyə məruz qalır. Artıq bir çox avropa ölkəsi kağızdan hazırlanan pipetləri və digər materialları araşdırır. Çox yaxında plastik kimi kağız da qara siyahıya əlavə ediləcək.
