Google, Android 14 yeniləməsi ilə peyk bağlantısı üzərindən Android cihazlarına iki tərəfli rabitə imkanı gətirəcəyini açıqlayıb. Android 14 üçün stabil yeniləmə hələ buraxılmasa da, şirkət gələcəkdə Android telefonlarına ikitərəfli peyk mesajlaşmasını gətirmək üçün Garmin şirkəti ilə əməkdaşlığa başlayıb.
Google-un mesajlar proqramı vasitəsilə Android telefonlarına peyk əsaslı mesajlaşma xüsusiyyətini aktiv edəcəyi bildirilir. Tərtibatçı Neil Rahmouni, Google Mesajlar tətbiqinin ən son versiyasında bir neçə kod sətri tapdıqdan sonra bu barədə xəbərlər ortaya çıxmağa başlayıb. Qeyd edilir ki, təcili vəziyyətlə bağlı suallarınız üçün “%1$s” nömrəsi üzərindən “Garmin Response”-a zəng edin. Fövqəladə vəziyyət barədə məlumat vermək üçün yerli təcili və fövqaladə yardım nömrələr ilə əlaqə saxlayın. Belə ki, bu sətirlər uyğun bildiriş ekranı üçün informativ yazılar kimi test edilib.
Android 14-ün stabil versiyası dünyanın 150-dən çox ölkəsində satışa çıxarıldıqdan sonra Google bu yeni funksiyanı istifadəyə verə bilər. Garmin-in artıq fövqəladə mesajlaşma üçün peyk-əsaslı əlaqə ilə bağlı çoxlu məhsulları var. Garmin peyk əlaqəsini təmin etmək üçün dünya üzrə Low Earth Orbit peyklərinin sahibi olan Iridium şirkəti ilə işləyir. Garmin hal-hazırda öz saytında 150-dən çox ölkədə peyk bağlantısı təklif edir.
Samsung-un oxşar xüsusiyyəti Galaxy S23 ilə təqdim edəcəyi gözlənilir. Lakin böyük bir ehtimalla bu baş verməyəcək. Çünki, smartfonlar bölməsinin rəhbəri TM Roh öz ekosistemlərinin hələ hazır olmadığını ötən həftələrdə bildirmişi. Lakin Google-un dəstəyi ilə Android üzərindən bu peyk bağlantısı dəstəyinin gələn ilin əvvəlində Galaxy S24 ilə birlikdə istifadəyə veriləcəyi iddia olunur.
