İngiltərədə ən yüksək temperatur bundan əvvəl 2019-cu ildə Cambridge botanika bağında qeydə alınıb. Belə ki, 38.7°C olaraq qeydə alınan anti-rekordun sadəcə 3 il sonra yenidən qırıldığı bildirilir. Sanki iqlim dəyişikliyi və qlobal istiləşmə səbəbilə yaşanan bu hallar bu cür temperaturlara hazır olmayan ölkə üçün qəribə fəsadlar törədib. Beləliklə istilik səbəbi ilə Böyük Britaniya “Qırmızı Xəbərdarlıq” verib. 135 illik tarixi körpü deformasiyaya uğramaqla üz-üzə qalıb, hava limanında uçuş-enmə zolağında çatlaq və qüsurlar aşkarlanıb, dəmir yollarında genişlənmə ilə bağlı və.s problemlər yaşanıb.
Anomal temperatur özünü tək İngiltərədə yox, Avropa ölkələrində də göstərir!
Yaşanan anomal istilər Avropada özünü meşə yanğınları tərəfində göstərir. Lakin Avropa ölkələrindən fərqli olaraq İngiltərə bu temperaturlara çox da öyrəşmədiyi üçün meşə yanğınlarından əlavə, şəhər infrastrukturunda da problemlər baş verib. Məsələn, elə 135 illik Hammersmith körpüsü 2 il əvvəl yüngül bir isti hava kütləsinin təsiri ilə genişlənərək xırda öçülərdə çatlamışdı. Ona görə İngilislər körpünü yenidən xüsusi örtüklərlə bağlamaq məcburiyyətində qalıblar ki, körpü tam deformasiyaya uğramasın. Təbii ki, üstdə də sadaladığımız kimi İngiltərədə yaşanan problemlər bununla bitməyib.
Londonda yerləşən Luton Hava limanında uçuş-enmə zolağının üst qatlarında yüksək temperatur səbəbi ilə qüsur aşkarlanıb. Hava limanı məcburi olaraq öz fəaliyyətini təxirə salmaq məcburiyyətində qalıb. Üstəlik digər bir tərəfdən dəmir yollarında da müəyyən problemlər müşahidə olunub.
Böyük Britaniyada dəmir yollarını idarə edən mərkəz, dəmir yollarının genişlənməsi və qatarların hərəkəti zamanı qəzaya səbəb olacağı ehtimalını dəyərləndirərək Şərq Sahil magistral xəttini bağlamaq məcburiyyətində qalıb.
Eyni zamanda yanğınların sayı da yüksək səviyyəyə çatıb və ölkədə yanğınsöndürmə briqadalarının işi ciddi rejimə keçib. Təsəvvür edin ki, bütün bu problemlər qlobal istiləşmənin sadəcə 1.1 °C yüksəlməsi zamanı ortaya çıxmaqdadır. Ekoloji fəsadlar diqqətə alınmasa belə, yaşadığımız şəhərlərdə hər il dayanamdan yüksələn temperaturun necə böyük problemlərə səbəb ola biləcəyi göz qabağındadır. İrəliləyən illərdə isə bu “rekord”-ların daha da artacağı gözlənilir.
