Aparılan araşdırmalar göstərir ki, Google və Microsoft kimi texnologiya nəhəngləri dünyanın əksər ölkələrindən daha çox enerji istehlak edir. Ümumiyyətlə, texnologiya nəhənglərinin istehlak etdikləri enerji getdikcə artır. Yeni araşdırmaya əsasən, Google və Microsoft artıq 100-dən çox ölkəni enerji istehlakında ötüb. Belə ki, Google və Microsoft Azərbaycan qədər elektrik istehlak edirmiş.
![Google Microsoft Azərbaycan elektrik](https://tedroid.com/media/2024/07/google-microsoft-azerbaycan-elektrik-istehlak.webp)
Xüsusilə məhsuldar süni intellektin böyük əhəmiyyət kəsb etdiyi bu günlərdə qurulan özəl məlumat mərkəzləri əvvəlki mərkəzlərdən daha çox enerji sərf edirlər. Bu kontekstdə aparılan yeni təhlilə görə, Google və Microsoft şirkətlərinin enerji istehlakı 100-dən çox ölkənin enerji stehlakını üstələyib. Qeyd edək ki, dünyada ümumilikdə 206 ölkə var. Aparılan araşdırma və təhlillərə görə, 2023-cü ildə Google və Microsoft hər biri 24 TVt/saat elektrik enerjisi istehlak edərək, Azərbaycan, İslandiya, Qana və Tunis də daxil olmaqla 100-dən çox ölkənin istehlakını ötüb. Təxminən 10 milyon əhalisi olan ölkəmiz 24 TVt/saat enerji istehlakı ilə texnologiya nəhənglərinin enerji istehlakı ilə üst-üstə düşdüyü halda, İslandiya, Qana, Dominikan Respublikası və Tunis 19 TVt/saat, İordaniya isə 20 TVt/saat enerji istehlak edib.
![Google Microsoft Azərbaycan elektrik](https://tedroid.com/media/2024/07/google-microsoft-azerbaycan-elektrik-istehlak-1.webp)
Müqayisə üçün qeyd edək ki, Türkiyədə enerji istehlakı 280 TVt/saat olaraq müəyyən olunub. Google və Microsoft-un 48 TVt/saat ümümi elektrik istehlakı dünyanın əksər ölkələrini ötsə də, iki şirkətin hər biri istehsal etdikləri iqtisadi dəyərlə də ölkələri üstələyir. İrlandiya (533 milyard dollar) və Nigeriya (473 milyard dollar) istisna olmaqla, cədvəldəki bütün ölkələrin ÜDM-i Google və Microsoft-un gəlirlərindən aşağıdır. Qeyd edək ki, Google 2023-cü ildə 305,6 milyard dollar, Microsoft isə 211,9 milyard dollar gəlir əldə edib. Eyni enerji istehlakı ilə Azərbaycan 2023-cü ildə 78 milyard dollar ÜDM əldə edib.