Google-ın CEO-su Sundar Pichai keçən həftə işçilərlə keçirdiyi görüşdə şirkətin rəqibləri, hökumət tədbirlərini və yeni yaranan süni intellekt sahəsini qabaqlamaq üçün mübarizə apardığı üçün 2025-ci ilə dair proqnozda “risklərin yüksək olduğunu” bildirib.
Sundar Pichai bildirib ki, “Düşünürəm ki, 2025-ci il həlledici il olacaq. Bu anın aktuallığını dərk etməyimiz vacibdir, bir şirkət olaraq daha sürətli hərəkət etməliyik. Risklər çox yüksəkdir. Bunlar dağıdıcı dövrlərdir. 2025-ci ildə biz bu texnologiyanın üstünlüklərini açmağa və istifadəçinin aktual problemlərini həll etməyə amansızcasına diqqət yetirməliyik”. Ümumiyyətlə, Keçən il Google üçün çətin bir il oldu. Axtarış reklamından və bulud xidmətlərindən əldə edilən gəlirlər əhəmiyyətli dərəcədə artdı, lakin şirkətin əsas bazarlarında rəqabət gücləndi və mədəni toqquşmalar və Google rəhbərliyinin gələcəyi necə gördüyü ilə bağlı daxili problemlər yarandı. Avqust ayında federal hakim Google-un axtarış bazarında qeyri-qanuni monopoliyaya malik olduğuna qərar ver
Noyabr ayında Ədliyyə Departamenti Chrome brauzeri layihəsinin qeyri-ixtiyari ləğvini tələb edib. Agentlik həmçinin şirkəti onlayn reklam texnologiyasına qeyri-qanuni hökmranlıq etməkdə ittiham edib. Böyük Britaniyanın antiinhisar tənzimləyiciləri də Google-un reklam texnologiyaları sahəsində fəaliyyətindən narazı olduqlarını bildiriblər. Google CEO-na görə bütün bunlar şirkətin böyüklüyünə və uğuruna görə baş verir. Belə ki, bunlar həm də texnologiyalarının cəmiyyətə böyük təsir göstərməsi ilə əlaqədardır.
Şirkətin axtarış biznesi hələ də bazarda üstünlük təşkil edir, lakin generativ süni intellekt insanların onlayn məlumat əldə etməsi üçün yeni yollar açıb və bununla da Google-un OpenAI (157 milyard dollar dəyərində) və Perplexity (9 milyard dollar) daxil olmaqla bir sıra yeni rəqibləri var. Pichai etiraf edib ki, Google 2025-ci ildə süni intellekt sahəsində rəqiblərindən bir qədər geri qala bilər, lakin o, şirkətin ön sıralarda qalacağına ümid etdiyini bildirib. O əlavə edib ki, “Siz həmişə tarixdə birinci olmaq məcburiyyətində deyilsiniz, ancaq işinizi yaxşı yerinə yetirməli və öz sinfində ən yaxşı məhsul təqdim etməlisiniz. Düşünürəm ki, 2025-ci ildə belə olacaq”. Ümumilikdə isə Google şirkətinin gələn il yəni 2025-ci ildən risklərin zirvədə olacağı bir dövr gözləyir.
