Müasir dövrdə meydana gələn ən böyük problemlərdən biri məhz yanacaqdır. Belə ki, dizel və benzin kimi yanacaqlar artıq tükənir. Ümumiyyətlə bu yanacaqlar ətraf mühitə də ciddi zərər vurduğundan alimlər alternativ yanacaq axtarışındadır. Məhz bu məqsəd ilə dünyada ilk dəfə dənizdə ekoloji cəhətdən əlverişli olan hidrogen istehsalı müəssisəsi açılıb. Belə ki, yeni müəssisə Atlantik Okeanında fəaliyyətə başlayıb. Qeyd edək ki, yeni yaradılan hidrogen müəssisəsi dənizə göndərilməmişdən əvvəl bu ilin may ayına qədər sınaqdan keçirilib. Nəhayət bütün sınaqları uğurla keçən müəssisə fəaliyyətə başlaya bilib.
Dünyada ilk dəfə dənizdə fəaliyyət göstərən hidrogen istehsalı müəssisəsi Fransanın Le Kruazik şəhəri yaxınlığında yerləşir. Ümumiyyətlə yeni müəssisə və ya hidrogen, dünyanın tədricən mədən yanacaqlarından imtina etməsinə imkan verəcək. Beləliklə gələcəkdə hidrogen əsaslı böyük layihələri də görmək mümkün ola bilər. Xatırladaq ki, avtomobil sənayesində artıq hidrogen ilə işləyən bir çox model hazırlanıb. Lakin hələlik hidrogen yanacağının üstünlük təşkil etməməsi bu modellərin geniş istiadəsinin qarşısını alır.
Bundan əvvəl də dünyada bir çox hidrogen istehsalı müəssisələri yaradılıb. Belə ki, Lhyfe 2021-ci ildə birbaşa olaraq külək ferması ilə işləyə bilən hidrogen istehsalı qurğusunu hazırlamışdı. İndi isə bu qurğu dünyada ilk dəfə olaraq dənizdə Fransa sahillərindən 19 km uzaqda fəaliyyət göstərir. Qeyd edək ki, şirkət 10 MVt gücündə elektrolizator ilə gündə 4 tona qədər hidrogen istehsal etməyi və onu boru kəməri vasitəsi ilə ixrac etməyi hədəfləyir. Hətta bununla bağlı yeni HOPE layihəsi də elan edilib.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
