Microsoft şirkətinin yeni əməliyyat sistemi olan Windows 11 daha bir problemə səbəb olur. Belə ki, texnologiya nəhənginin ən son təklif etdiyi yenilənmədən sonra Windows 11 əməliyyat sistemi SSD yazma sürətini azaldır. Söhbət bu ilin mart ayında buraxılan KB5023778 yenilənməsindən gedir. Bir çox istifadəçi yenilənmədə sonra SSD yazma sürətinin 7 dəfə azaldığını iddia edir. Ümumiyyətlə Microsoft şirkəti Windows 11 əməliyyat sistemini istifadəyə verdikdən bəri onlarla problem ortaya çıxmışdı. Texnologiya nəhəngi daimi olaraq aşkar olunan problemləri həll etmək üçün yenilənmələr buraxır. Lakin şirkət bir problemi həll etdikdə digər problem meydana çıxır.
Məhz bu problemlərdən biri də Windows 11 əməliyyat sisteminin SSD yazma sürətini azaltmasıdır. Qeyd edək ki, bundan əvvəl də Redmond mərkəzli şirkət File Explorer proqramındakı bir səhv Windows 11 21H2 və 22H2 versiyalarına təsir göstərdiyini təsdiqləmişdi. Bu səhv isə əməliyyat sistemində CPU istifadəsini artırırdı. İndi isə əməliyyat sistemindəki yeni bir problem istifadəçilər tərəfindən aşkar olunub. İstifadəçilərə görə sonuncu yenilənmədən sonra Windows yüklənmə sürəti, proqramların işə salınma sürəti azalıb və oyun performansı xeyli aşağı düşüb.
İstifadəçilər üçün vəziyyət olduqca ciddidir. Hətta bir istifadəçi SSD yazma sürətinin 7 dəfə azaldığını sübut edən bir şəkil də paylaşıb. Hələlik dəqiq olaraq hansı yenilənmənin bu problemə səbəb olduğu məlum olmasa da, bütün oxlar KB5023778 yenilənməsini işarə edir. Qeyd edək ki, texnologiya nəhəngi hələ də istifadəçilərin şikayətlərinə cavab verməyib. Bununla belə istifadəçilər gələcəkdə bu problemin aradan qaldırılacağına ümid edir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
