Beləliklə, NordPass şirkəti tərəfindən 2024-cü ildə ən çox istifadə edilən parollar açıqlanıb. NordPass-ın 2024-cü il üçün hazırladığı yeni hesabatda 44 fərqli ölkədə ən populyar 200 parol açıqlanıb.
NordPass tərəfindən açıqlanan hesabataın ümumi nəticəsi isə istifadəçilərin parollar mövzusunda ağıllı olmadığını göstərir. Belə ki, bu il 44 ölkədə ən çox istifadə edilən üç parol hələ də “123456”, “qwery123” və “123456789″ olub. Maraqlısı budur ki, bu parolları hətta ən sadə sistemlər ilə belə sındırmaq sadəcə bir neçə saniyə çəkir. Minlərlə kiberhücum olsa da, çoxlu güclü parol yaradan proqramlar mövcuddur. Habelə, bir çox hallarda iOS və Android sistemləri istifadəçilər üçün güclü parol yarada bilir. Bütün bu xəbərdarlıqlara baxmayaraq 2024-cü ildə ən çox istifadə olunan parollar hələ də eyni sadəlikdədir.
Yuxarıda gördüyünüz kimi, siyahıya çoxlu məşhur parollar aiddir. Hətta NordPass daha əvvəl bu mövzuda bildirmişdi ki, “Araşdırmalarımızdan sonra öyrəndik ki, kibertəhlükəsizlik şüurunun artmasına baxmayaraq, köhnə vərdişlər çox çətin ölür. Araşdırmalar göstərir ki, insanlar hesablarını qorumaq üçün hələ də zəif parollardan istifadə edirlər.” Şifrələrlə bağlı son zamanlar ən çox səs-küy yaradan xəbər isə Apple-ın 1Password və LastPass-a rəqib olan yeni təqdim etdiyi Parollar proqramı olub. Yeni Parollar tətbiqi ilə parol idarəsini daha asan və əlçatan hala gətirən Apple istifadəçilər üçün daha təhlükəsiz təcrübə təqdim etmişdi.
