Bu dəfə Cənubi Koreya mərkəzli “Samsung”un üçə qatlanan smartfon patenti qəfildən ortaya çıxıb. Belə ki, ortaya çıxan görüntlər əsasında smartfonun necə qatlandığını görmək mümkündür.
Samsung, ilk dəfə Huawei-dən gördüyümüz üçə qatlanan smartfon tərəfində əhəmiyyətli irəliləyiş əldə dib. Belə ki, Samsung-un bu yaxınlarda təsdiqlənmiş patenti də Cənubi Koreya şirkətinin üçə qatlanan smartfon üçün hansı dizaynı hazırlayacağını göstərir. Əslində, Samsung bu yeni üçə qatlanan smartfon layihəsi haqqında çox məlumat paylaşmır. ABŞ Patent və Ticarət Nişanları İdarəsi (USPTO) tərəfindən təsdiqlənmiş yeni patent üçə qatlanan smartfon barəsində bəzi məlumatları ortaya çıxarır. Qeyd edək ki, patentin olması mütləq məhsulun istehsal olunacağı mənasını verməsə də, istehsalda şirkətin getdiyi yolu göstərmək üçün əhəmiyyətli hesab olunur.
Patentə baxdığımızda görürük ki, Samsung Z şəkilli qatlanan dizaynı seçib. Xatırladaq ki, Bu qatlama üsulunu daha əvvəl Huawei Mate XT-də görmüşdük. Habelə, “Samsung”un üçə qatlanan smartfonunun hələlik konkret buraxılış tarixi yoxdur. Samsung bu üçə qatlanan dizaynla istifadəni və keyfiyyəti əsas prioritet edir. Buna görə də maraqlı qatlama üsulları hazırlamaq əvəzinə möhkəm dizayna müraciət edirlər. Beləliklə, şirkət Galaxy Fold ilə üzərinə götürdüyü qabaqcıl rolu davam etdirmək istəyir.
