2 həftə əvvəl Xiaomi firmasının avtopilot sistemlərini test etdiyinə dair xəbəri sizinlə paylaşmışdıq. Hansı ki, üstündə və yanlarında bir sensor, LİDAR texnologiyaları quraşdırılan test avtomobilindən görüntülər sızdırılmışdı. Elə ondan qısa bir müddət keçməsinə baxmayaraq Çinin texnologiya nəhənglərindən biri olan Xiaomi, çox ləngitmədən elektromobil prototipini göstərməyə hazırlaşır. Bu barədə “Sina Tech” resursu məlumat yayıb. Hətta növbəti ay bütün dünya üzrə eyni vaxtda keçiriləcək təqdimat tədbirindən sonra firmanın izləyəcəyi yol barədə də bəzi detallar verilib.
Xiaomi elektromobil prototipi gördüyünüz şəkillərdəki modellərlə eyni ola bilər!
Hal-hazırda gördüyünüz avtomobil WM Motor firmasının Maven adlı konseptidir. Bu konsept avtomobil HVST avtomobil dizayn atelyesi tərəfindən hazırlanıb. Eyni zamanda Xiaomi firmasının da elektromobilini HVST qrupu hazırlayacaq. Sızdırılmış kimi göstərilən render görüntülərində də məhz bu konseptə bəzi göndərmələr edilir. Ona görə şəkillərini gördüyünüz konsept avtomobili ola bilsin ki, Xiaomi firmasının elektromobil prototipini əyani olaraq bizə göstərir.
Bildirilir ki, Xiaomi Auto istehsal müəssisəsi prototipin avqustda göstərilməsindən sonra elektromobilin marketinqi üçün hər şeyi hazırlayıb. Müəssisə ildə 300.000 elektromobil istehsal edəcək. İlkin mərhələdə isə 150.000 elektromobilin istehsal edilməsi və 2024-cü ildə satışa çıxarılması hədəflənir.
Xiaomi şirkəti gələcəkdə 4 fərqli elektromobil təqdim etməyi planlaşdırır. Bunlardan ikisi 22.200-29.600$ arası qiymət etiketinə sahib ikinci səviyyə (L2) avtonom idarə etmə xüsusiyyətinə sahib elektromobillər olacaqlar. Digər ikisi isə B seqmenti modellər olub 29.600-44.400$ arası qiymətə təklif ediləcəklər. Bu modellərdə isə üçüncü səviyyə avtopilot ilə quraşdırılacaq.
Prototip avqustda nümayiş etdirilib, sürətli bir şəkildə qış testlərinə hazırlanacaq. Məlum olan detallar hələlik bunlardan ibarətdir. İddiaların nə qədər dəqiq olub-olmadığını avqustda öyrənə biləcəyik. Böyük bir ehtimalla Xiaomi şirkəti elektromobil barədə tizerləri avqustdan etibarən paylaşmağa başlayacaq.
Xiaomi avtomobilinə aid olduğu iddia edilən render görüntüsü sızıntısı belədir:
