Apple şirkəti iOS 16 əməliyyat sistemi üçün iyul ayının əvvəlində Lockdown Mode funksiyasını təqdim etmişdir. Yeni iOS versiyasında istfadəyə verilən bu funksiyanın, istifadəçilərin məlumatlarını daha yaxşı qoruyacağı iddia olunur. Bu yaxınlarda Apple şirkəti iPhone üçün istifadəyə verdiyi Lockdown Mode funksiyasını müxtəlif sınaqlardan keçirməyə başlayıb. Təhlükəsizliyin isə maksimum səviyyədə qorunduğundan əmin olmaq üçün maraqlı bir iddia qoyub.
Apple iOS 16 ƏS-də yeni “Lockdown Mode” funksiyası nədir?
Verilən məlumata görə, Apple şirkəti iOS 16 əməliyyat sistemində yeni funksiyanı istifadəyə vermədən öncə, hər tərəfli sınaqdan keçirməyi planlaşdırır. Lockdown Mode funksiyası aktivləşdirildiyi təqdirdə, sistem avtomatik olaraq iMessage mesajlarında göndərilən əlavələr və linkləri, şübhəli nömrələrdən FaceTime video çatına dəvət keçidlərini və.s açmayacaq.
Apple şirkəti iOS 16-da bu funksiya hesabına bəzi mürəkkəb veb texnologiyalarını, JavaScript JIT təhlillərini və.s deaktiv edərək təhlükəsizliyi ən yüksək səviyyəyə çıxarır. Kompüterə və ya işlətdiyiniz hər hansı bir aksesuarınıza olan bağlantınız deaktiv edilir. Paylaşılan albomlar “Foto” tətbiqindən silinir və yeni paylaşılan albomlara dəvətlər bloklanır. Həmçinin iPhone cihazında olan məlumatlar, onu kiliddən çıxarmayana qədər əlçatmaz olur.
Belə ki, Şirkət İT mütəxəsislərinə Lockdown Mode funksiyasının təhlükəsizlik sistemini keçə bildikləri halda, yüksək ödəniş edəcək. Ümumi məbləğ isə 2 milyon dollar təşkil edir.
Apple şirkətinin təhlükəsizlik və arxitektura üzrə direktoru İvan Krstic bildirir
“İstifadəçilərin böyük əksəriyyəti heç vaxt hədəflənmiş kiberhücumun qurbanı olmayacaq. Bunun üçün biz Apple məhsullarının bütün istifadəçilərini tam qorumağı nəzərdə tuturuq. Lockdown Mode (Kilidləmə rejimi) istifadəçiləri hücumlardan qorumaq üçün birbaşa öhdəliyimizi əks etdirən müasir təhlükəsizlik funksiyasıdır”.
Apple şirkəti iOS 16 mobil əməliyyat sisteminin yekun versiyasının istifadəyə verilməsini 2022-ci ilin sentyabr ayına planlaşdırılır.
iOS 16 əməliyyat sistemini dəstəkləyəcək modellər aşağıdakılardır:
iPhone 13, iPhone 13 mini, iPhone 13 Pro, iPhone 13 Pro Max, iPhone 12, iPhone 12 mini, iPhone 12 Pro, iPhone 12 Pro Max, iPhone 11, iPhone 11 Pro, iPhone 11 Pro Max, iPhone XS, iPhone XS Max, iPhone XR, iPhone X, iPhone 8, iPhone 8 Plus, iPhone SE (2-ci nəsil)
