Ötən aylarda texniki xüsusiyyətləri sızan Apple iPhone 14 ailəsi ilə bağlı yeni məlumatlar gəlməyə davam edir. iPhone 14 ailəsinin case fotoları weibo sosial media platformasında paylaşılıb.
Apple-ın bu il dörd fərqli iPhone 14 modeli ilə çıxış edəcəyi təxmin edilir. Sentyabrın 13-də təqdim olunacaq sızan yeni modellərin adları müvafiq olaraq iPhone 14, iPhone 14 Max (Plus), iPhone 14 Pro və iPhone 14 Pro Max olacaq. Belə ki, yeni nəsil M seriyası noutbuk prosessorlarına daha çox diqqət ayrılması və tədarük problemləri Apple-ın smartfon çipsetlərini arxa plana keçirdiyini ortaya qoyur. Mark Qurman-ın paylaşdığı son məlumatar da iPhone 14 ailəsindəki performans baxımından istifadəçiləri məyus edəcək dəyişikliklər olduğunu göstərir. Həmin dəyişiklik isə seriyanın “Pro” olmayan modellərində yeni nəsil A16 Bionic yerinə hal-hazırda mövcud olan A15 Bionic çipsetinin quraşdırılmasıdır.
Ming-Chi Kuo tərəfindən dərc edilən məlumata görə, iPhone 14 şirkətin son illərdəki ən böyük ön kamera yeniləməsi ilə gələcək. Yeni kameranın əhəmiyyətli dərəcədə təkmilləşdiriləcəyini bildirən analitik, hazırkı sabit fokuslu kamera ilə müqayisədə fotoqrafiya və videoda daha yaxşı nəticələr əldə ediləcəyini vurğuladı. 57% daha böyük kamera obyektivinə sahib olacağı bildirilən iPhone 14 seriyası, 8K video qeyd xüsusiyyətinə malik yeni 48MP əsas kamerası ilə istifadəçilərə təqdim ediləcək.
Apple-ın iPhone 14 ailəsindəki istifadəçilərə təqdim edəcəyi başqa bir dəyişiklik çərtik dizaynıdır. Sızdırılan məlumatlar arasında iPhone 14 ailəsinin ekranın yuxarı hissəsinə bitişik çərtik dizaynı ləğv ediləcək. Yeni iPhone 14 seriyasının elliptik formalı selfi kamerasına sahib olacağı bildirilir. Siz bu haqqda nələr fikirləşirsiniz? Fikirlərinizi bizimlə bölüşməyi unutmayın!
