Avtomobil nəhəngi olan Volkswagen şirkətinin, çin bölməsi Volkswagen Group China diqqətini uçan avtomobillərə yönləndirib. Beləliklə, VW Group China Vertical Take-Off and Landing (eVTOL) sinifinə aid olan uçan taksi nəqliyyat vasitəsini nümayiş edib – Vertical Mobility (V. MO).
Yeni layihə İngiltərənin Tangerine dizayn studiyası və Çinin Sunward avtomobil istehsalçı şirkətinin birgə işidir. Vertical Mobility (V. MO) uçan taksinin ölçüləri xeyli böyükdür. 11,2 m uzunluğa və 10,6 m enə sahibdir. Uçan avtomobil yerdən şaquli qaxlmaq üçün 8 mühərrik, üfuqi hərəkət üçün isə 2 fərqli mühərriklə təchiz olunub.
Vertical Mobility (V. MO) uçan avtomobil necə hazırlanıb ?
Tangerine dizayn studiyası tərəfindən verilən məlumata əsasən, yeni uçan avtomobil keçirilən sorğulara əsasən hazırlanıb. Dizayn studiyasının əməkdaşları yüzlərlə Çin vətəndaşı arasında keçirdiyi sorğu cavablarına əsasən yeni uçan avtomobil dizaynını yaratmışdır.
Şəkildə gördüyünüz bu insanlar uçan avtomobili istifadə edən ilklər arasındadırlar. Tərtibatçıların planlarına əsasən, bu ilin sonuna qədər Vertical Mobility (V. MO) uçan avtomobilin bir neçə sınaq uçuşundan keçiriləcək. Bundan sonra hazır prototip təxminən bir il sonra 2023-ci ilin yayında yekun sınaqlardan keçiriləcək. Normal olaraq ilk uçan avtomobillər də elə Çində istifadəyə veriləcək.
Volkswagen Group China bölməsi tərəfindən verilən məlumata əsasən, Vertical Mobility (V. MO) uçan avtomobilin yekunda dörd nəfərlik olacaq. Həmçinin V. MO modeli tam avtonom olacaq və sərnişinləri saatda 200 km/s sürət ilə daşıya biləcək.
2020-ci ildə Volkswagen Group China bölməsi, şəhər-hava hərəkətliliyi bazarını və şəhər nəqliyyatının hava məkanına yayılması da daxil olmaqla, növbəti nəsil nəqliyyat həllərini araşdırmaq üçün Vertical Mobility layihəsinə start vermişdir. Ciddi araşdırmalardan, konseptual işlərdən və sınaqlardan sonra, V. MO sınaq modeli hazırlanmışdır. Bu ilkin prototip pələng ilində hazırlandığı üçün “uçan pələng” adını almışdır.
