İspaniyada nüvə reaktorlarının radiasiyadan xəbərdarlıq sisteminə ağılasığmaz hücum edilib. Polis bu hadisədə günahlandırılan iki nəfəri həbs edib. Belə ki, əvvəllər bu sahədə dövlət səviyyəsində işləmiş 2 şəxs 2021-ci ilin yazında ölkənin radiasiya xəbərdarlığı sisteminə və ya ölkə daxilində yerləşdirilən 800 qamma radiasiya aşkarlama sensorlarından ibarət RAR şəbəkəsinə müdaxilə ediblər.
Sözügedən RAR İspaniyanın Mülki Mühafizə və Fövqəladə Hallar üzrə Baş Müdirliyi (DGPCE) tərəfindən idarə olunur. Sistem hökumətə ölkə daxilində yayılmış coğrafi yerlərdə qeyri-adi yüksək radioaktivlik səviyyəsini izləməyə imkan verir. Bu sistem Çernobılda baş verənə bənzər problemlərdən qorunmaq üçün stansiyalara nəzarət etmək məqsədi daşıyır. 2021-ci ilin mart və iyun ayları arasında baş verən kiberhücumlar sensorların təxminən üçdə birini sıradan çıxarmışdı, bu da şəbəkə daxilində böyük problemlərə səbəb olmuşdu. Hakerlər iki ay ərzində mövcud olan 800 sensor arasından 300-dən çoxuna hücum edərək, onların mərkəz ilə əlaqəsinin pozulmasına və radiasiya xəbərdarlığı sistemlərinin işləməsinə mane olublar.
Səlahiyyətlilərin niyə bundan xəbər tutmadığı məlum deyil
Bu şəxslərin bu qədər uzun müddət ərzində necə tutulmadığı və ya səlahiyyətlilərin onların etdiklərindən necə xəbərdar olub-olmadığı aydın deyil. Polis bildirib ki, hakerlər DGPCE-nin kompüter sisteminə daxil ola bilib və sonra RAR-ı idarə etməyə kömək edən veb tətbiqini silməyə cəhd edib.
Radiasiya xəbərdarlığı sistemini hekləyən edən hakerlər kimlər idi?
Kibercinayətkar olduğu bildirilən şəxslər bir vaxtlar RAR-da işləmiş iki keçmiş dövlət işçisi olub. Bu iki şəxsin əvvəllər hökumətdə işlədikləri bildirilsə belə şəxsiyyətləri açıqlanmayıb. Onlar federal hakimiyyət orqanları tərəfindən bir il davam edən araşdırmadan sonra həbs ediliblər. Araşdırma zamanı müəyyən olundu ki, bu iki haker DGPCE ilə müqavilə bağlamış şirkət vasitəsilə RAR sisteminin texniki xidmət proqramına cavabdeh olub və bu sahədə dərin biliyə malik olmaları onların işini asanlaşdırıb. Keçmiş işçilər olan iki məhbus kompüter sisteminə hücum edərək sensorların ayrılmasına və hətta atom elektrik stansiyalarının özündə belə sistemin idarə imkanlarının çətinləşməsinə səbəb olub.
Bu iki şəxsin öz ölkələrinin nüvə reaktorlarının radiasiya izləmə sistemini hekləməsi olduqca qəribədir. Amma hadisənin səbəbi haqqında heç bir təfərrüat ölkə rəsmiləri tərəfindən bölüşülməyib. Cinayətkarların bunu nə üçün etdiyi açıqlanmır, ona görə də bizə sadəcə bu axmaqlığı necəsə şərh etmək qalır.
