Volkswagen-in yalnız Çin bazarı üçün istehsal edilən xüsusi liftbek avtomobili olduğunu bilirdinizmi? Çindən kənarda heç yerdə görə bilməyəcəyiniz Lamando L adlı avtomobil ən çox dizaynı ilə insanı özünə heyran buraxır.
Alman avtomobil nəhəngi Volkswagen fərqli ölkə bazarlarına fərqli modellər təqdim etməkdən çəkinməyən şirkətlərdən biridir. Mələsən, Çinə getsəniz Almaniyada və hətta ABŞ-da olmayan Volkswagen modellərindən bəzilərini görə bilərsiniz. İndi sizə bu avtomobil haqqında danışmaq istəyirik. Çindən kənarda heç bir yerdə əslini görə bilməyəcəyiniz bu avtomobil Lamando L adlanır.
Volkswagen Lamando L bəlkə də şirkətin ən gözəl modellərindən biridir. Bu avtomobil Passat-a heç bənzəmir. Kənardan heç bir Volkswagen modelinə ciddi oxşarlığı yoxdur. Lakin salona və kapotun altına baxdıqda Volkswagen-in standart xüsusiyyətlərinin şahidi oluruq. Gəlin daha uzağa getməyək və Çində təqdim olunan Lamando L-ə daha yaxından nəzər salaq.
Volkswagen tərəfindən Çin bazarı üçün hazırlanan və bu ilin yanvarında anons edilən liftbek modeli gözəl olduğu qədər də sərt hissiyat yaradan fənərlərə malikdir. Faranın altındakı radiator barmaqlığı Jaws modelini xatırladır. İşıqlandırılmış loqo dizaynı Volkswagen Lamando L-ə gözəl toxunuş əlavə edir. Avtomobilin qapı tutacaqları boyunca uzanan xətt arxa işıqlara doğru getdikcə birləşərək tamamlanır. Volkwagen-in bu modelində qapı çərçivələrinin olmaması diqqətimizdən yayınmır.
Volkswagen Lamando L-nin daxili dizaynı ümumiyyətlə Golf 8-dən götürülüb. Bunun ən bariz göstəricisi məlumat-əyləncə ekranı və ön panelə panelə quraşdırılmış kondisioner bölməsidir. Yeri gəlmişkən, arxa hissəni qızdırmaq və soyutmaq üçün hava kanalları mərkəzə yerləşdirilib. Həmçinin İki ədəd USB enerji çıxışı da mövcuddur ki, avtomobilin arxa hissəsi bizi razı salacaq.
Avtomobilin dizayn xüsusiyyətlərinin digər diqqət çəkən xüsusiyyəti isə baqaj qapağıdır. Volkswagen Lamando L-nin baqajı arxa pəncərə ilə açılır. Ona görə də sedana bənzəyən bu model əslində liftbekdir.
Volkswagen Lamando L-nin kapotu altında baxdığımızda təəccüblü heç nə yoxdur. Avtomobil öz gücünü 150 at qüvvəsi və 250 Nm fırlanma anı hasil edən 1,4 litrlik TSI mühərrikindən alır. 7 pilləli avtomatik transmissiya ilə təchiz edilmiş Lamando L 0-dan 100 km/saat həddinə 8,9 saniyəyə sürətlənir. Bu avtomobil haqqında düşüncələriniz nələrdir? Bizimlə bölüşməyi unutmayın.
