Demək olar ki, avtomobilə sahib hər kəs “katalizator” olaraq tanınmış katalitik çevirici deyə tərcümə edilən elementin nə olduğunu bilir. Katalizator ən sadə formada daxili yanma mühərrikindən çıxan tullantı qazlarının emissiya miqdarını azaltmaq üçün yerləşdirilir. Mühərrikdən işlənmiş qazlar atılarkən, katalizatordan keçməli olduğu üçün bu elementin çox vaxt mühərrikə yaxın, ön hissədə quraşdırıldığını müşahidə edə bilərsiniz. Lakin katalitik çeviricilərin daxilində olduqca dəyərli metal elementlər yerləşir. Platin, paladium, rodium kimi metallardan söhbət gedir ki, katalizatorlar üçün xarici qara bazarlarda 1000 dollara qədər qiymət təklif edilə bilir. Bu da xüsusilə, Amerikada əhəmiyyətli dərəcədə katailzator oğurluğuna səbəb olub. Avtomobilin altına uzanan oğrular, sadəcə 1-2 dəqiqə ərzində katalizatoru borudan kəsərək aparırlar. Toyota şirkəti yeni Prius modelində bu problemi həll etməklə bağlı maraqlı bir üsula əl atacaq.
Toyota Prius modelində sürücülər katalizator üçün xüsusi qoruyucu “qalxan” sifariş verə biləcəklər
Amerika başda olmaqla katalizator oğurluğunun qarşısını almaq üçün Toyota şirkəti “Cat Shield” adlı yenilik gətirir. 140 dollar qarşılığında Toyota Prius modellərinə quraşdırılaraq test ediləcək yeni qoruyucu lövhə katalizatorun oğurlanmasının qarşısını alacaq. Xüsusilə əlavə vaxt və güc tələb etməsi üçün yüksək keyfiyyət standartlarına malik alüminium materialdan hazırlanmış “qalxan”, korroziyaya qarşı da davamlı olacaq.
Mütəxəssislərin fikrincə avtomobilin alt hissəsinin demək olar tamamilə düz olmasına yarayan bu qalxan kəsici alətin işləməsi üçün də kifayət qədər yer qoymayacaq. Toyota şirkəti yeni Prius modelində bu tip maraqlı yenilikləri test etməyə davam edəcək. “Cat Shield” adlı katalizator qoruyucusunun təkcə Toyota Prius ilə sabit qalmayıb, yaxın gələcəkdə digər avtomobillərdə də təklif edilməsi gözləniləndir. Ən əsas məsələ isə yeniliyin nə qədər effektiv işə yarayacağıdır.
