Hidrogenlə işləyən nəqliyyat vasitələri təmiz enerji və dayanıqlı nəqliyyatda böyük potensiala malikdir. Lakin son yaşananlar bu texnologiyanın gələcəyi ilə bağlı ciddi suallar doğurur. Toyota hidrogen yanacağı ilə işləyən avtomobillərə dair israrlı mövqeyini davam etdirir. Bu, böyük bir avtomobil istehsalçısının hələ də hidrogen texnologiyasına inamını qoruduğunu göstərir. Bununla belə, hidrogen yanacağı ilə işləyən avtomobillərin gələcəyinə böyük təsir göstərən mənfi hallar yaşanır.
Hidrogen yanacağı ilə işləyən avtomobillərin satışı dünya miqyasında aşağı səviyyədə qalır. Keçən il cəmi 16300 hidrogen yanacağı ilə işləyən avtomobil satılıb. Bu aşağı rəqəm göstərir ki, hidrogen texnologiyası hələ də bazarda qəbul olunmaq üçün mübarizə aparır. Əksinə, elektrik nəqliyyat vasitələrinin satışı sürətlə artır və onlar nəqliyyatda aparıcı aktorlar sırasındadırlar. Bu il satışlar artıq 10 milyona doğru irəliləyir. Hesabata görə hətta ötən ilki hidrogen yanacaqlı avtomobil satışları belə bu ilin çox irəlisindədir.
Böyük avtomobil istehsalçıları arasında hidrogen yanacağı ilə işləyən avtomobillərlə bağlı müxtəlif yanaşmalar mövcuddur. Hyundai 15 ildir hidrogen texnologiyasına sərmayə qoysa da, bu sahədən imtina edir. Digər bir tərəfədn isə Shell, hidrogen yanacağı ilə işləyən avtomobillər üçün planlaşdırdığı 48 yanacaqdoldurma məntəqəsini ləğv edib.
Hidrogen yanacağı ilə işləyən nəqliyyat vasitələri təmiz enerji və dayanıqlı nəqliyyat potensialı olan bir texnologiya hesab olunur. Bu avtomobillər hidrogen yanacaq hüceyrəsi texnologiyası sayəsində su buxarı və sıfır emissiya enerjisi istehsal etmək qabiliyyətinə malikdir. İdeal olaraq, bu nəqliyyat vasitələri qalıq yanacaqları əvəz edə və ekoloji cəhətdən təmiz seçim təmin edə bilər. Lakin yenə də mürəkkəblik, xərclərin, effektivliyin istənilən səviyyədə olmaması işləri qəlizləşdirir.
Toyota hidrogen yanacağı ilə işləyən avtomobillərə dair israrlı mövqeyini o qədər davam etdirir ki, şirkət ötən Hilux avtomobilinin belə hidrogen yanacaqlı variantını təqdim edib. Lakin satış ədədlərinin hansı səviyyədə olacağı sual altındadır. Analitiklərin fikrincə yaxın illərdə batareya texnologiyalarını təkmilləşdirəcək Toyota da hidrogen yanacaqlı avtomobillərindən imtina edə bilər. Əgər bu baş tutarsa, Toyota ilə birlikdə Hidrogen yanacaqlı avtomobillər tamamilə gələcəkdə təkrar populyarlaşma ümidi ilə tarixə qovuşacaq.
