Çinin elektromobil istehsalı ilə məşğul elektromobil brendi NIO ötən gün rəsmi olaraq özünün ilk flaqman smartfonu NIO Phone ilə smartfon bazarına daxil olduğunu açıqlayıb. Belə ki, Redmi Note 13 seriyası ilə eyni gündə təqdim edilən model sadə dizaynı və rəqabətcil üst seqment xüsusiyyətlərə sahibdir.
Şirkət bir elektromobil istehsalçısı olduğu üçün smartfon əslində, elektromobillə birgə təklif edilən bir “açar” kimi də təklif edilir. Bu səbəblə smartfon sönmüş vəziyyətdə belə yaxınlaşdırdıqda avtomobilin kilidini açmaq funksiyasına sahibdir. NIO elektromobilləri ilə tamamilə inteqrasiya ola bilən NIO Phone 30-dən çox elektromobil funksiyasını da həyata keçirir.
Smartfon ön tərəfdən qıvrımlara malik 6.81 düymlük 120Hz LTPO OLED ekrana sahibdir. 1800 nitlik 2K ekran Samsung E6 panedən yararlanır. Bu yerdə qeyd edək ki, cihaza Snapdragon 8 Gen 2 çipseti quraşdırılıb. Kamera performansı baxımından da cihaz flaqmanlar arasında geri qalmır.
IMX707 50MP əsas kamera OIS ilə gücləndirilib. Ultra-geniş bucaqlı kamera belə IMX766 50MP sensoruna malikdir və 110 dərəcə baxış bucağı təklif edir. NIO brendi bu sahədə yeni olsa da üçüncü kamera kimi telefotonun da əhəmiyyətini anlayıb smartfonuna IMX890 50MP dəstəkli 2.8 qat optik yaxınlaşdırma edən obyektiv quraşdırır.
5200 mAs batareyası 66 vatt kabelli, 50 vatt təmassız şarkı dəstəkləyir. IP68 sertifikatı ilə suya və toza qarşı davamlıdır. Barmaq izi sensoru ekranın altına quraşdırılmış cihaz avtomobillərin rəng palitrasına görə 7 fərqli seçimdə əldə edilə bilər. Xüsusilə elektromobillə əlaqədar imkanlara baxdıqda UWB texnologiyası hesabına NIO Phone modeli avtomobili avtonom kilidləyib-kiliddən çıxara bilər. Elektromobilin demək olar hər xüsusiyyətini idarə etməyə yarayan funksionallıqlardan əlavə oyun və digər görüntülərin ötürülməsində də elektromobil ilə birbaşa inteqrasiya mövcuddur.
12GB-512GB variantı 900 dollardan başlayan cihaz, 16GB-1TB variantında 1025 dollara qədər yüksəlir. Böyük bir ehtimalla NIO brendi NIO Phone modeli ilə öz elektromobil alıcılarını hədəf alacağından vəd edilən texniki xüsusiyyətlər ilə yekun müştərisini tapacaqdır.
