Elektromobil dedikdə ilk ağla gələn brendlərdən biri olan və elektrikli avtomobillərin dünyada yayılmasının əsas səbəbkarı olan Tesla istehsal sürətini artırıb. Belə ki, elektromobil bazarının lider brendlərindən biri olan Tesla Çindəki fabrikində hər 40 saniyədə bir elektrimobil istehsal edir. Bildiyimiz kimi, Tesla brendinin hazırda Çində, Almaniyada və ABŞ-da ümumilikdə 4 zavodu var. Hətta avtomobil nəhəngi ötən günlərdə Hindistanda da fabrik açacağını elan etmişdi. Lakin bütün bu fabriklər arasında Tesla üçün ən əhəmiyyətlisi məhz Çindəki fabrikdir. Çünkü burda elektromobillər hər 40 saniyədən bir istifadəyə hazır vəziyyətə gətirilir.
Ümumiyyətlə Tesla brendinin hər 40 saniyədə bir elektromobil istehsal edən Çinin Şanxay şəhərindəki fabriki illik 700 minə yaxın elektrpmobil istehsal edir. Hətta bu fabrik brendin əsas istehsal mərkəzi hesab olunur. Lakin Teslanın bu fabrikdən əlavə olaraq, Berlin, Fremont və Texas şəhərlərində də zavodları var. Bütün bunlardan əlavə avtomobil nəhəngi Hindistanda da elektromobil istehsal edəcək. Maraqlısı budur ki, hər il yarım milyon elektromobil istehsal edəcək bu fabrik ən ucuz Tesla modellərini hazırlayacaq. Belə ki, Hindistanda amerikalı brendin elektromobillərinin başlanğıc qiyməti 2 milyon rupi yəni 24 min 400 dollar olacaq.
Hazırda Tesla modelləri ortalama olaraq 40 min dollar civarında satışa çıxarılır. Lakin Tesla ən ucuz elektromobil üçün start götürüb. Amerikalı brend Hindistandakı fabrikində təxminən 25 min dollara ən ucuz Tesla modelini istehsal edəcək. Bu modelin adı isə Tesla Model 2 olacaq. Teslanın Model 2 elektromobilini Meksikadakı Gigafactory-də istehsal edəcəyi düşünülsə də, daha sonra ortaya çıxıb ki, amerikalı brend fikrini dəyişib. Tesla 2025-ci ildən sonra həm daxili, həm də xarici bazar üçün ən ucuz elektromobillərini satışa çıxaracaq.
