Gün keçdikcə elektrikli avtomobil bazarında öz mövqeyini gücləndirən Tesla daha bir uğura imza atıb. Belə ki, Times of India mənbəsinin məlumatına əsasən Tesla Hindistanda hər il yarım milyon elektromobil istehsal edəcək. Hətta bu məqsədlə avtomobil nəhəngi Hindistan hökuməti ilə müzakirələr apararaq yeni fabrik tikməyi planlayır. Beləliklə şirkət dünya üzərində 5-ci fabrikini tikəcək. Bununla da Tesla brendinin Asiya daha doğrusu hind okeanı regionundakı mövqeyi güclənəcək.
Ümumiyyətlə hazırda amerikalı brend Çinin Şanxay şəhərindəki fabrikində illik 700 minə yaxın elektromobil istehsal edir. Hətta bu fabrik brendin əsas istehsal mərkəzi hesab olunur. Burdakı fabrik vasitəsi ilə bütün avrasiyaya tədarük həyata keçirən şirkət avropa və amerikada fabriklərə sahibdir. Hətta Tesla brendinin ABŞ-ın Fremont və Texas şəhərlərindəki fabrikləri ayrı-ayrılıqda ildə yarım milyon elektromobil istehsal edir. Qeyd etmək lazımdır ki, bu fabriklər əsasən Şimali və Cənubi Amerika regionundakı ölkələrə tədarük həyata keçirir. Avropada isə Tesla Berlin şəhərindəki fabriki ilə elektromobillərini istehsal edir. İndi isə Tesla Hindistanda elektromobil istehsal edəcək. Hətta bu fabrikdə hər il yarım milyon elektromobil istehsal edəcək.
Bildiyimiz kimi, Tesla hər regionda modellərini fərqli qiymətə satışa çıxarır. Hindistanda da amerikalı brendin elektromobillərinin başlanğıc qiyməti 2 milyon rupi yəni 24 min 400 dollar olacaq. Maraqlısı budur ki, Teslanın elektromobilləri Hindistandakı ən ucuz elektromobil olan MG Comet-dən 2 dəfə baha olacaq. Həmçinin Hindistanda ən çox satılan avtomobil olan Tata Nexon elektromobilindən yarım milyon rupi baha olacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
