ABŞ-da Milli Nəqliyyat Təhlükəsizliyi Şurası (NTSB) sərxoş vəziyyətdə avtomobil idarə etməsi nəticəsində baş verən qəzaların qarşısını almaq üçün mühüm addım atıb. ABŞ Milli Avtomobil Yolları Hərəkətinin Təhlükəsizliyi İdarəsinə (NHTSA) müraciətdə şura bütün nəqliyyat vasitələrinin sərxoş sürücülərin avtomobillərdən istifadəsini məhdudlaşdıran və ya tamamilə qarşısını alan avtomobildə spirt aşkarlayan texnologiyaları ilə təchiz edilməsini tələb edib. Bundan əlavə nəqliyyat vasitələrində həddindən artıq sürətin qarşısını ala biləcək sistemlərdən istifadə edilməli olduğu bildirilib.
NTSB-nin bu təklifi 2021-ci ildə ölkədə baş vermiş qəzalardan sonra gəlib. Kaliforniyadakı ən son və ən böyük sərxoş sürücünün ucbatından baş verən qəzada yeddisi uşaq olmaqla 9 nəfər həlak olub. İdarə Heyətindən bildirilib ki, qəzaya səbəb olan sürücünün istifadə etdiyi SUV tipli avtomobil 141-157 km/saat sürətlə hərəkət edən 7 nəfəri daşıyan pikap maşınına dəyib. NTSB-nin rəhbəri də belə texnologiyaların qəzanın qarşısını ala biləcəyini bildirib.
Hər gün dünyanın hər yerindən milyonlarla insan harasa getmək üçün şəxsi avtomobilləri ilə yola çıxır. Müxtəlif səbəblərdən baş verən yol-nəqliyyat hadisələri həm də sürücülərin və onların yanında olan insanların ölümünə və ya xəsarət almasına səbəb ola bilər. Ümumdünya Səhiyyə Təşkilatının məlumatları göstərir ki, dünyada hər il təxminən 1,3 milyon insan yol qəzaları nəticəsində həyatını itirir.
Bu qəzaların ən böyük səbəblərindən biri də sərxoş vəziyyətdə avtomobil idarə etməkdir. Huşunu itirmiş sürücülər sərxoş halda maşın sürdükləri üçün insanların həyatını təhlükəyə ata bilərlər. İnkişaf etmiş bir texnologiyanın da içkinin səbəb olduğu qəzaları aradan qaldıra biləcəyi düşünülür.
Alkoqol aşkarlama sistemləri avtomobili idarə edən şəxsin spirt səviyyəsini ölçür və onun sürücülük üçün yararlı olub-olmadığını müəyyən edir. Nəticədə mümkün fəlakətlərin qarşısını alır. Təhlükəsizlik üçün Sürücü Alkoqolunun Təsbiti Sistemi (DADDS) sensor vasitəsilə sürücünün nəfəsini analiz edə bilir. Digər tərəfdən sürücü simasını analiz edən sensorlar hərəkətlərinizi, start/stop düyməsinə yerləşdirilən senosorlar vaistəsi ilə mühəriki işə salmaq üçün barmağınızı düyməyə basdıqda qanın qandakı alkoqol miqdarını təsbit edir. Quraşdırılması o qədər də çətin olmayan sistemlərin avtomobillərə quraşdırılıb-quraşdırılmayacağı, istehsalçıların buna məcbur edilib-edilməyəcəyi məlum deyil. Düşüncələrinizi rəylərdə bizimlə paylaşa bilərsiniz.
