Bəzi istifadəçilərin fikrincə məlumatları fiziki bir yaddaş həlli üzərində saxlamaq etibarlılıq, daşınma və əlçatanlılıq, xüsusilə də qiymət cəhətdən o qədər də effektiv deyil. Əslində bu fikirdə müəyyən qədər doğruluq payı olsa da vacib fayl və elementlərin bulud servislərində saxlanması ortaya çıxan yeni iddialara görə biraz riskli görünür. Belə ki, istifadəçilər tərəfindən verilən məlumata görə Google Photos tətbiqində qəribə bir problem aşkarlanıb. İstifadəçilərin bəzilərindən gələn məlumata görə Google Photos tətbiqində köhnə şəkillərin korlandığı iddia edilir.
Google Photos tərəfindən korlanan şəkillər xüsusilə 2014-2015 aralığına təsadüf edir
Rəsmi olaraq Google Photos tətbiqinin dəstək bölməsində anket açan istifadəçilərdən son günlər ərzində bir neçə oxşar şikayətlər paylaşılıb. Məqalə daxilində gördüyünüz şəkillərdəki kimi fotolarda bəzi normal olmayan ləkələr, müxtəlif yerlərdən kəsilmiş hissiyatı yaradan çatlaq və ya xətlər və.s görünüb.
Həmin görüntülərin hansısa bir xəta, yoxsa köhnəlmiş olması səbəbilə bu vəziyyətə gəldiyi rəsmi olaraq açıqlanmayıb. Qeyd edilənə görə korlanmış şəkillərin əksəriyyəti olduqca köhnə, hətta 2014-2015 aralığında çəkilmiş Google servislərinə yüklənən şəkilləri əhatə edir. İstifadəçilərdən bəziləri fotoları yükləsə belə problemin davam etdiyi ilə qarşılaşarkən, bəziləri keşi təmizləyərək proqramı sildikdən sonra şəkillərin bərpa olunduğunu bildiriblər. Lakin bəzi istifadəçilər bu üsulla da şəkillərdəki xətaların davam etdiyi görülüb. Ən etibarlı həll yolu isə Google Takeout (şəxsi məlumatların ümumi toplusunu daxilində birləşdirir) ilə datalarınızın nüsxəsini çıxarmaqdır. Bu üsul isə biraz əziyyət və yüksək həcmli faylların toplusunu yükləmək üçün sürətli internet tələb edir.
Nəticədə müxtəlif bulud servislərinin tam etibarlı bir həll yolu olmadığını söyləyə bilərik. Böyük bir ehtimalla bu problem tətbiqin görüntüləri sıxışdırma alqoritmlərindəki xətadan qaynaqlanır. Google şirkəti son vaxtlar pulsuz təklif etdiyi bu servislərinə çəkilən xərcləri minimuma endirmək üçün çox çalışır. Hətta ödənişsiz istifadə üçün də müəyyən bir limit təklif edilməsi qərarlarını yəqin ki, xatırlayırsınız. Yaşanmış bu hal xəta olsa belə vacib məlumatlarınızın bir nüsxəsini özünüzdə saxlamağınız tövsiyə olunur.
