Huawei elektromobil sahəsindəki uğurlarını artırmağa çalışır. Belə ki, Huawei şirkəti indi də Çinin avtomobil nəhənglərindən olan Chery ilə ortaq Luxeed S7 elektromobilini hazırlayır. Görünən odur ki, çinli nəhənglər elektromobil sahəsində səs gətirəcək bir model hazırlamaq istəyirlər. Xatırladaq ki, ötən aylarda Huawei və Changan brendləri ortaq elektromobil təqdim etmişdilər. Avatr 12 adlanan bu model texnologiya sahəsində diqqət cəlb etməyi bacarmışdı. Özünəməxsus eksteryeri, interyeri və proqram təminatı olan bu elektromobil sedan versiyada təqdim edilmişdi. Həmçinin bu elektromobilin hazırlanmasında batareya üzrə ixtisaslaşmış CATL şirkəti də iştirak etmişdi.
İndi isə Huawei şirkəti daha bir çinli avtomobil istehsalçısı ilə, yəni Chery ilə Luxeed S7 adlı elektromobil hazırlayır. Görünən odur ki, Huawei elektromobil sahəsində inkişaf etmək istəyir. Huawei brendi əsasən proqram təminatı tərəfində elektromobillərin hazırlanmasında iştirak edir. Hətta şirkət hər il elektromobil sahəsinə qoyduğu sərmayəni artırır. Lakin hələ də şirkət öz brendi altında elektromobil istehsal etmir və avtomobil nəhənglərindən kömək alır.
Bu gün Huawei və Chery imzalı yeni Luxeed S7 elektromobili barədə məlumatlar ortaya çıxıb. Belə ki, elektromobilin 3 fərqli versiyada təqdim ediləcəyi məlum olub. Həmçinin elektromobil 2 fərqli mühərrik seçimi ilə təklif olunacaq. Bunla 1 və 2 elektrik mühərrikli modellər olacaq. Bundan əlavə elektromobilin maksimal sürəti sadəcə 210 km/saat ilə məhdudlaşdırılacaq. Proqram təminatı tərəfində də elektromobil HarmonyOS 4 ilə təchiz ediləcək. Dizayn tərəfində də özünəməxsus futuristik dizayna sahib olacaq.
