Elektriklə işləyən avtomobillər qarşıdakı 10-20 il ərzində gündəlik həyatımızda ciddi bir yerə sahib olacaq. Ölkələrin qəbul etdiyi yeni qaydalar, daxili yanma mühərrikləri üçün gətirilmiş məhdudiyyətlər bu prosesi daha da sürətləndirir. Lakin elektromobillərə keçidin sürətlənməsi əhəmiyyətli bir problemi ortaya çıxarır. Elektirklə işləyən avtomobillərin sayı çoxaldıqca enerji doldurma stansiyalarında yaranan növbələr, itirilən vaxtlar arzu olunmaz həddə çatıb. Buna görə də aparıcı şirkətlərin çoxu elektromobillərin qısa vaxt ərzində enerji ilə doldurulmasının mümkün olduğu texnologiyalar hazırlamağa çalışırlar. Batareya texnologiyası hazırlamaqla məşğul olan Enovix şirkəti elektromobillərin 10 dəqiqə ərzində 98% doldurula biləcəyi yeni nəsil batareya dizaynı ilə bağlı məlumat verib.
Enovix şirkətinin yeni nəsil batareya texnologiyası bizi gələcəyə aparır!
Hamımız çox dəyərli olan vaxtımızı səmərəli keçirmək istəyirik. Düşünürük ki, heç kim dəqiqələr, hətta saatlarla kabellə enerji mənbəyinə bağlı şəkildə dayanmaqdan zövq almır. Bu səbəbdən batareya texnologiyaları ilə bağlı fəaliyyət göstərən mühəndislərin əsas hədəfində fantastik enerji tutumuna malik batareya yaratmaq yox, enerji ilə doldurma müddətini azaltmaq yer alır.
Yeni nəsil 3D Silikon™ Lityum-iyon batareyaların hazırlanması və istehsalında lider şirkətlərdən biri olan Enovix ötən gün yeni nəsil batareya texnologiyasını anons edib. 0,27 Ah batareya hüceyrələri üzərində edilən testlərdə 0 faizdən 80 faizə qədər batareyanın dolmasına 5,2 dəqiqə vaxt sərf olunduğu bildirilir. 10 dəqiqədən daha qısa vaxt ərzində isə batareya 98 faizə qədər dolmağı bacarır.
Enovix şirkətinin baş icraçı direkotru Harrol Rust
sürətli enerji ilə doldurma dəstəyinin elektrikli avtomobillərin kütləvi olaraq istifadə edilməsini bu texnologiya sürətləndirəcək. Biz, bir çox OEM (Orijinal Avadanlıq istehsalçısı) tələbini qarşılayan və üstələyən bir performans səviyyəsi göstərə bildik. Elektromobil istehsalçıları daha uzun məsafə qət edə bilən batareya axtarışındadırlar. Dövlət və özəl sektorlar isə elektromobillərin sürətli enerji yığmasında maraqlıdırlar.
Biz, bu məqsədlərin hər birinə kömək etmək üçün batareyaları həm, uzun məsafə qət edə biləcək, həm də sürətli enerji yığa biləcək şəkildə təkmilləşdirməkdən qürur duyuruq.
Deyəsən, smartfonların sürətli enerji yığma trendindən sonra indi də növbə elektromobillərdədir. Batareya texnologiyası nə vaxtdan hansı istehsalçılar tərəfindən elektromobillərə quraşdırılacaq, hələlik məlum deyil. Enovix şirkəti bu barədə məlumat verməyib.
