Dünyanın ən güclü tam elektrikli hiperkarlarından biri olan Rimac Nivera sadəcə 1 gündə 23 fərqli rekord qırıb. Belə ki, 2009-cu ildə Xorvatiyada yaradılan Rimac Automobile şirkəti tərəfindən istehsal olunan elektrikli hiperkar modeli Almaniyada 23 fərqli sürətdə rekord qırıb. Maraqlısı budur ki, bu rekordlar RaceLogic və Dewesoft tərəfindən təsdiqlənib. Qeyd edək ki, Almaniyada aparılan test sürüşü zamanı təxminən 4 kilometrlik pistdə avtomobil 400 km/saat sürətə qədər rekord qırıb. Ümumiyyətlə Rimac Nivera modeli ilk dəfə 2018-ci ildə Cenevrə avtosalonunda təqdim edilmiş Rimac C_Two konseptinin istehsal versiyasıdır.
Rimac Nivera modeli 2021-ci ildə 150 ədəd tirajda buraxılıb. Şirkət iddia edir ki, avtomobil tək şarj ilə 647 km məsafə qətt edə bilər. Təbii ki, bu ortalama sürət üçün nəzərdə tutulub bu rəqəm elektromobilin nə qədər enerji xərcləməsindən asılı olaraq dəyişə bilər. 2 elektrik mühərriki ilə təchiz olunan Rimac Nivera elektromobili 1900 at gücü və 2360 nm fırlanma anı hasil edir. Bu qədər güclü mühərrik ilə təchiz edilən Rimac Nivera hiperkarı 23 fərqli sürətə ən tez sürətlənə bilən hiperkar kimi rekord qırıb. Bu rekordlar aşağıdakılardır:
| 0 -100 km/s | 1.74 s |
| 0-200 km/s | 4.42 s |
| 0-300 km/s | 9.23 s |
| 0-400 km/s | 21.32 s |
| 100-200 km/s | 2.59 s |
| 200-300 km/s | 4.81 s |
| 200-250 km/s | 2.00 s |
| 100-0 km/s | 29.12 m |
| 0-100-0 km/s | 4.03 s |
| 0-200-0 km/s | 8.85 s |
| 0-300-0 km/s | 15.68 s |
| 0-400-0 km/s | 29.94 s |
| ¼ mil | 8.26 s |
| 1/8 mil | 5.46 s |
| ½ mil | 12.82 s |
| 1 mil | 20.62 s |
| 0-60 mph | 1.74 s |
| 0-100 mph | 3.23 s |
| 0-120 mph | 4.19 s |
| 0-130 mph | 4.74 s |
| 0-200 mph | 10.86 s |
| 0-250 mph | 21.89 s |
| 60-130 mph | 2.99 s |
Rimac Nivera avtomobili 1 gündə 23 fərqli sürətdə rekord qıraraq tarixə düşüb. Avtomobilin satış qiyməti 2 milyon dollardan çoxdur. Həmçinin ötən il şirkət Porsche brendinin köməyi ilə Bugatti şirkətini alaraq hiperkar bazarının ən çox diqqət çəkən brendinə çevrilmişdi.
